ଝୁଲନ୍ତା ମୃତଦେହ ଉଦ୍ଧାର

ବଲାଙ୍ଗିର(ଘଟେଶ୍ୱର ମିଶ୍ର): ବଲାଙ୍ଗିର ସହର ଉପକଣ୍ଠ  ଆରଟିଓ ଅଫିସ୍‌ ଛକ ନିକଟ ଏକ ଗଛରୁ  ଜଣେ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି।  ମୃତକଙ୍କ ନାଁ  ରୁଷି ସାହୁ। ସେ ବଲାଙ୍ଗିର ପୌରସଂସ୍ଥାର ଡ୍ରାଇଭର ଭାବେ କାମ କରୁଥିଲେ । ଆଜି ସକାଳେ ସ୍ଥାନୀୟ ଲୋକେ ମୃତଦେହ ଝୁଲୁଥିବା ଦେଖି ବଲାଙ୍ଗିର ଟାଉନ ଥାନାକୁ ଖବର ଦେଇଥିଲେ। ପୁଲିସ୍‌ ଘଟଣାସ୍ଥଳରେ ପହଞ୍ଚି  ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ମୃତ୍ୟୁର କାରଣ ଜଣାପଡ଼ି ନାହିଁ।