କଟକ(ଓଡ଼ିଶା ରିପୋର୍ଟର): ଟ୍ୱିନ୍ ସିଟିରେ ପୁଣି ସକ୍ରିୟ ହୋଇ ଉଠିଛନ୍ତି ଅପରାଧୀ। ଦୁର୍ଦ୍ଦାନ୍ତ ଅପରାଧୀ ପ୍ରକାଶ ବେହେରା ଓରଫ୍ ହାଡ଼ିଆକୁ ଗତକାଲି କଟକରେ ହତ୍ୟା କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ତାକୁ ହତ୍ୟା କରାଯାଇଥିବା ସୂଚନା ମିଳିଛି ।
ସତୀଚଉରା ନିକଟ ଇପ୍ସାରଗଡ଼ା ନିକଟରେ ଗତକାଲି ହାଡିଆ ଉପରେ ସଂଘବଦ୍ଧ ଆକ୍ରମଣ ହୋଇଥିଲା। ଦୁଇରୁ ତିନି ଜଣ ଦୁର୍ବୃତ୍ତ ଆସି ହାଡ଼ିଆ ଆକ୍ରମଣ କରିଥିଲେ । ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ହତ୍ୟାକାଣ୍ଡରେ କେଉଁମାନଙ୍କ ସଂପୃକ୍ତି ଅଛନ୍ତି ସେ ନେଇ ଛାନଭିନ୍ କରୁଛି ।
ମୃତ ହାଡିଆ ନାଁରେ ବିଭିନ୍ନ ଥାନାରେ ପୂର୍ବରୁ ମାମଲା ରହିଛି । କିଛି ଦିନ ତଳେ ହାଡିଆ ମଦଦୋକାନ ଉପରକୁ ବୋମାମାଡ ହୋଇଥିଲା । ଏନେଇ ମଧ୍ୟ ପୁଲିସ୍ ତଦନ୍ତ କରୁଛି ।