ଲମତାପୁଟ(ଓଡ଼ିଶା ରିପୋର୍ଟର): ପଣସ ବୋଝେଇ ଟ୍ରକ୍ରେ ହେଉଥିଲା ଗଞ୍ଜେଇର ଚୋରା ଚାଲାଣ। ଏପରି ଭାବେ ୪୦ ଲକ୍ଷ ଟଙ୍କାର ଗଂଜେଇ ଚୋରା ଚାଲାଣ ବେଳେ ପୁଲିସ୍ ହାବୁଡ଼ରେ ପଡ଼ିଗଲା। ପୁଲିସ୍ ସମସ୍ତ ଗଞ୍ଜେଇ ଜବତ କରିବା ସହ ୨ ଜଣଙ୍କୁ ଗିରଫ କରିଛି।
ଗିରଫ ଅଭିଯୁକ୍ତଦ୍ୱୟଙ୍କ ନାଁ ରାଜେଶ ଓ ବାବୁ ସିଂ। ଉଭୟ ରାଜସ୍ଥାନର ବୋଲି କୋରାପୁଟ ମାଛକୁଣ୍ଡ ପୁଲିସ୍ କହିଛି । ବାଡେଲ ଅଞ୍ଚଳରୁ ରାଜସ୍ଥାନକୁ ଏଭଳି ଅଭିନବ ଉପାୟରେ ଗଂଜେଇ ଚାଲାଣ କରାଯାଉଥିଲା ।
ସୂଚନା ମିଳିବା ପରେ ଲମତାପୁଟ ଓ ନନ୍ଦପୁର ପୁଲିସ ୨ ଜଣିଆ ଟିମ୍ ଗଠନ କରି ଟ୍ରକ୍କୁ ଜବତ କରିଥିଲେ । ଜବତ ଟ୍ରକ୍ରୁ ୪୨୨ କେଜି ୩୦୦ ଗ୍ରାମ ଗଂଜେଇ ମିଳିଛି। ଯାହାର ଆନୁମାନିକ ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ନନ୍ଦପୁର ଏସ୍ଡିପିଓ କହିଛନ୍ତି ।