ଦିଲ୍ଲୀରେ ଠକେଇ, ଯାଜପୁରରୁ ଗିରଫ

ଯାଜପୁର(ଓଡ଼ିଶା ରିପୋର୍ଟର): ଦିଲ୍ଲୀରେ ଠକେଇ। ଯାଜପୁରରୁ ଗିରଫ । ଯାଜପୁର ଜିଲ୍ଲା ବରୀରେ ଦିଲ୍ଲୀ ପୁଲିସ ଚଢାଉ କରି ଅନ୍‌ଲାଇନରେ ଠକେଇ କରିଥିବା ଯୁବକକୁ ଗିରଫ କରିଛି । ଅଭିଯୁକ୍ତ ହେଉଛି ୩୦ ବର୍ଷୀୟ ପ୍ରିତମ୍ କର । ତାଙ୍କ ଘର ବରୀ ଥାନା ଅଧୀନ ଭୂରୁଙ୍ଗା ଗାଁରେ । ପ୍ରିତମ୍ ଫେକ୍ ଆଇଡି ବନେଇ ସିମ୍ ଆକ୍ଟିଭ କରି ଦିଲ୍ଲୀ, ହରିଆଣା, ପଞ୍ଜାବ, ହିମାଚଳ ପ୍ରଦେଶ, ୟୁପି, ରାଜସ୍ଥାନ ଭଳି କିଛି ରାଜ୍ୟରେ ସାଇବର ଠକଙ୍କ ପାଖକୁ ପଠାଉଥିଲା । ଯେଉଁ ସିମ୍ କାର୍ଡ ମାଧ୍ୟମରେ ସାଇବର ଠକ ମାନେ ଫୋନ କରି ବିଭିନ୍ନ ଲୋକଙ୍କଠାରୁ ଟଙ୍କା ଲୁଟୁଥିଲେ।  ବରୀରେ ରହି ବିଭିନ୍ନ ଅଞ୍ଚଳକୁ କୋରିଅର ମାଧ୍ୟମରେ ସିମ୍ କାର୍ଡ ପଠାଉଥିବା ପୁଲିସ ସୂଚନା ଦେଇଛି । ଅଧିକ ତଦନ୍ତ ପାଇଁ ଦିଲ୍ଲୀ ପୁଲିସ ଏକ ମାମଲା ରୁଜୁ କରି ବରୀରେ ପହଞ୍ଚିଥିଲା । ଗତ ରାତିରେ ପ୍ରିତମଙ୍କୁ ତାଙ୍କ ବରୀ ସ୍ଥିତ ବାସଭବନରୁ ଗିରଫ କରିଛି ଦିଲ୍ଲୀ ପୁଲିସ। ଆଜି ଠକ ପ୍ରିତମଙ୍କ କୋର୍ଟରେ ହାଜର କରିବା ପରେ ଦିଲ୍ଲୀକୁ ଟ୍ରାନଜିଟ୍ ରିମାଣ୍ଡରେ ନେଇପାରେ।