ଟିକା ନେଉଛି ନଗଡ଼ା

ଯାଜପୁର(ଅଭୟପତି): ନଗଡ଼ା ନେଉଛି କରୋନା ଟିକା । ଯୁବଠୁ ବୟସ୍କ, ପୁରୁଷଠୁ ମହିଳା । ଜଣଙ୍କ ପରେ ଜଣଙ୍କ ଦେହରେ ଲାଗୁଛି କୋଭିଡ୍ କବଚ । ଅପପୁଷ୍ଟିର ଅପଯଶ ଅର୍ଜନ କରିଥିବା ନଗଡ଼ାରେ ଅବଶ୍ୟ ଆଜି ଯାଏଁ ଛୁଇଁନି କରୋନା।  କିନ୍ତୁ ବିଶ୍ୱାସ, ଅନ୍ଧବିଶ୍ୱାସ ଆଉ ପ୍ରଶାସନିକ କଳର ଅଣଦେଖାକୁ ନେଇ ଓଟିଭିରେ ଖବର ପ୍ରସାରଣ ପରେ ଚେତା ପଶିଛି ଜିଲ୍ଲା ପ୍ରଶାସନ। ଆଉ ତଳ, ମଝି ଏବଂ ଉପର ନଗଡ଼ାବାସୀଙ୍କ ପାଇଁ ଆଜିଠୁ ଆରମ୍ଭ ହୋଇଛି ଟିକାକରଣ ଅଭିଯାନ । ନଗଡ଼ା ଅଞ୍ଚଳର ୬ଟି ଗାଁର ହଜାରେରୁ ଅଧିକ ଲୋକଙ୍କୁ କୋଭିଡ୍ ଟିକା ଦେବାକୁ ଲକ୍ଷ୍ୟ ରଖାଯାଇଥିବାବେଳେ ଆଜି ପ୍ରଥମ ଦିନରେ କେବଳ ୧୭୬ ଜଣଙ୍କୁ ଦିଆଯାଇଛି । ପ୍ରଥମେ ଭୟ ଆଉ ସଙ୍କୋଚ କରୁଥିଲେ ଲୋକେ । ପରବର୍ତ୍ତୀ ସମୟରେ ସ୍ୱତଃପ୍ରବୃତ୍ତ ଭାବେ ନଗଡ଼ାବାସୀ ଟିକା ନେଉଥିବା ଦେଖିବାକୁ ମିଳିଛି । ନଗଡ଼ାରେ କେବଳ ଟିକା ନୁହେଁ, ସାନିଟାଇଜର ସହ ସାନିଟାରି ନ୍ୟାପକିନ୍ ସ୍ୱେଛାସେବୀ ସଂସ୍ଥା ପକ୍ଷରୁ ବଣ୍ଟନ କରାଯାଉଛି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।