ମାଛ ବିକାଳି ଉପରେ ମାଡ଼ିଗଲା ଗ୍ୟାସ ବୋଝେଇ ଟ୍ୟାଙ୍କର

ମାଛ ବିକାଳି ଉପରେ ମାଡ଼ିଗଲା ଗ୍ୟାସ ବୋଝେଇ ଟ୍ୟାଙ୍କର। ଘଟଣାସ୍ଥଳରେ ମାଛ ବିକାଳିଙ୍କ ମୃତ୍ୟୁ ଘଟିଛି। ଆଜି ସକାଳେ ଯାଜପୁର ରୋଡ ଥାନା ଅନ୍ତର୍ଗତ ଗଣେଷବଜାର ଛକରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ମୃତ ମାଛ ବିକାଳି ଜଣଙ୍କ ହେଲେ ଅନାଦି ମଳିକ। ତାଙ୍କ ଘର ଯାଜପୁର ଜିଲ୍ଲାର ନେଳିବାରୀ ଗାଁରେ।

ଆଜି ସକାଳେ ଅନାଦି ମାଛ ବିକ୍ରି କରିବା ପାଇଁ ସାଇକେଲରେ ଯାଜପୁର ରୋଡ ମାର୍କେଟକୁ ଆସୁଥିଲେ। ଏହି ସମୟରେ ଗଣେଶ ବଜାଇ ଛକରେ ଏକ ଗ୍ୟାସ ବୋଝେଇ ଟ୍ୟାଙ୍କର ଦ୍ରୁତଗତିରେ ଆସି ଅନାଦିଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ଅନାଦିଙ୍କର ମୃତ୍ୟୁ ଘଟିଥିଲା।

ପୁଲିସ ପହଞ୍ଚି ଦୁର୍ଘଟଣାଗସ୍ତ ଗାଡ଼ିକୁ ଜବତ କରିବା ସହ ଗାଡ଼ି ଡ୍ରାଇଭରକୁ ଅଟକ ରଖି ପଚରାଉଚରା କରୁଛି। ଏହାସହ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି।