ଭୁଶୁଡିଲା ନିର୍ମାଣାଧିନ ବ୍ରିଜ

ଯାଜପୁର (ଅଭୟ ପତି):ଯାଜପୁର ଜିଲ୍ଲା ୧୬ ନଂ ଜାତୀୟ ରାଜପଥ ଷଠିପୁର ବ୍ରଜନଗରଠାରେ ଭୁଶୁଡିଲା ନିର୍ମାଣାଧିନ ବ୍ରିଜ। ତେବେ ଏହି ଦୁର୍ଘଟଣାରେ କେହି ମୃତାହତ ହୋଇଥିବା ସୂଚନା ମିଳିନାହିଁ।  ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ପ୍ରାୟ  ୫ଟାରେ  ଡିବିଏଲ୍ ଠିକା ସଂସ୍ଥା ଦ୍ୱାରା ନିର୍ମାଣ ହେଉଥିବା ଏହି ବ୍ରିଜ୍ ଟି କୌଣସି କାରଣ ବଶତଃ ଭୁଶୁଡି ପଡ଼ିଥିଲା ।

ତେବେ ଏହି ଦୁର୍ଘଟଣାରେ କେହି ବ୍ୟକ୍ତି ଆହତ ହୋଇ ନଥିବା ବେଳେ ନିର୍ମାଣ କାର୍ଯ୍ୟ ଚାଲୁଥିବା ସମୟରେ ଠିକା ସଂସ୍ଥାର କେହି କର୍ମଚାରୀ ଉପସ୍ଥିତ ନଥିବା ଜଣାପଡିଛି। ତେବେ ଏହି ନିର୍ମାଣାଧିନ ବ୍ରିଜ ଭୁଶୁଡ଼ିବା ପ୍ରଥମ ଘଟଣା ନୁହଁ। ପୂର୍ବରୁ ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ  ତାଲାପଦରରେ ବିଜୁ ସେତୁ, ଭୁବନେଶ୍ୱରର ବମିଖାଲ ଓଭରବ୍ରିଜ୍‌ ଏମିତି ଅନେକ ବ୍ରିଜ ଭୁଶୁଡ଼ିବାର ନଜିର ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।