ଯାଜପୁର(ଗୁଲାମ ଗସ): ଆଜି ଶେଷ ପର୍ଯ୍ୟାୟ ନିର୍ବାଚନ । ଏଥିନିମନ୍ତେ ବୁଥ୍ ସହ ଅଧିକାରୀ ବି ପ୍ରସ୍ତୁତ ଥିବା ବେଳେ ଭୋଟରଙ୍କ ଦେଖା ନାହିଁ । ଏପରି ଘଟଣା ଆଜି ଯାଜପୁର ଶ୍ରୀବନ୍ତପୁର ପଞ୍ଚାୟତରେ ଘଟିଛି । ୨ ଗୋଟି ୱାର୍ଡର ଗ୍ରାମବାସୀ ଆଜି ହେଉଥିବା ଭୋଟ ବର୍ଜନ କରିଛନ୍ତି । ଗ୍ରାମବାସୀ ବିଭିନ୍ନ ସରକାରୀ ଯୋଜନାକୁ ବଞ୍ଚିତ ହେଉଥିବା ପ୍ରତିବାଦରେ ନେଇଛନ୍ତି ଏପରି ପଦକ୍ଷେପ ।
ସୂଚନାଯୋଗ୍ୟ, ଯାଜପୁର ଜିଲ୍ଲା ଶ୍ରୀବନ୍ତପୁର ପଞ୍ଚାୟତର ସ୍ଥାନୀୟ ସ୍କୁଲରେ ୧୮ ଓ ୧୯ ନମ୍ବର ବୁଥ ହୋଇଛି। ୧୮ ନଂ ବୁଥରେ ୧୯୪ ଭୋଟର ଥିବା ବେଳେ ୧୯ ନଂ ବୁଥ୍ରେ ୧୮୭ ଭୋଟର ଅଛନ୍ତି। ଏଥିନିମନ୍ତେ ଆଜି ସକାଳୁ ବୁଥ୍ରେ ପୋଲିଂ ପାର୍ଟି ପ୍ରସ୍ତୁତ ରହିଥିଲେ । ମାତ୍ର ଦୀର୍ଘ ସମୟ ଅପେକ୍ଷା ସତ୍ତ୍ୱେ କେହି ଭୋଟ ଦେବାକୁ ଆସି ନ ଥିବା କହିଛନ୍ତି ଉଭୟ ପ୍ରିଜାଇଡିଂ ଅଫିସର । ଘଟଣା ସମ୍ପର୍କରେ ବୁଝୁବୁଝୁ ଉଭୟ ୱାର୍ଡର ଭୋଟର ଭୋଟ ବର୍ଜନ କରିଥିବା ଜଣାଯାଇଛି।
[caption id="attachment_716049" align="aligncenter" width="650"]
ପୂର୍ବରୁ ବାଉଁଶ ଅଂଟା ଗ୍ରାମବାସୀ ଯାବରା ପଞ୍ଚାୟତରେ ରହିଥିଲେ । ଗତ ପଞ୍ଚାୟତ ନିର୍ବାଚନରେ ଏହି ଗ୍ରାମକୁ ଶ୍ରୀବନ୍ତପୁର ପଞ୍ଚାୟତରେ ସାମିଲ କରାଯାଇଥିଲା । ଶ୍ରୀବନ୍ତପୁର ପଞ୍ଚାୟତରେ ସାମିଲ ହେବା ପରେ ଗ୍ରାମବାସୀ ପଂଚାୟତ ସ୍ତରୀୟ ଅନେକ କାର୍ଯ୍ୟରୁ ବଂଚିତ ହେଉଥିବା ଅଭିଯୋଗ କରିଛନ୍ତି। ସ୍ଥାନୀୟ ଜନପ୍ରତିନିଧିଙ୍କଠାରୁ ଆରମ୍ଭ କରି ବିଡ଼ିଓ ଓ ଜିଲାପାଳଙ୍କୁ ଜଣାଇଥିଲେ ହେଁ କେହି କର୍ଣପାତ କରୁ ନାହାନ୍ତି। ତେଣୁ ଗ୍ରାମବାସୀ ଭୋଟ ବର୍ଜନ କରିବା ସହ ବୁଥ ସମ୍ମୁଖରେ ଧାରଣାରେ ବସିରହିଛନ୍ତି ।
ଏନେଇ ଉଭୟ ବୁଥ୍ର ପ୍ରିଜାଇଣ୍ଡିଂ ଅଫିସର କହିଛନ୍ତି, ଆମେ ସକାଳ ୭ଟାରୁ ବୁଥ୍ରେ ବସିଛୁ। ହେଲେ ଭୋଟରଙ୍କ ଦେଖା ନାହିଁ। ଏନେଇ ଉପରିସ୍ଥ ଅଧିକାରୀ ଓ ପୁଲିସ୍କୁ ଜଣାଯାଇଛି। ଆମେ ପୂର୍ବ ନିର୍ଦ୍ଧାରିତ ସମୟ ଅନୁଯାୟୀ, ଅପରାହ୍ନ ୧ଟା ପର୍ଯ୍ୟନ୍ତ ଅପେକ୍ଷା କରିବୁ।