OR 
ଶନିବାର ବିଳମ୍ବିତ ରାତିରେ ଝାରସୁଗୁଡ଼ା ସହରରେ ବୁଲିରେ ହାତୀ ପଲ। ଏହି ହାତୀ ପଲରେ ୧୨ଟି ହାତୀ ଥିଲେ। ଏତେ ସଂଖ୍ୟକ ହାତୀଙ୍କୁ ଦେଖି ସହରବାସୀଙ୍କ ନିଦ ହଜି ଯାଇଥିଲା। ସେମାନେ ଭୟଭୀତ ହୋଇଯାଇଥିଲେ।
ସହର ଭିତରେ ହାତୀ ବିଚରଣ କରୁଥିବା ଖବର ପାଇ ପହଞ୍ଚିଥିଲେ ବନ ବିଭାଗ କର୍ମଚାରୀ। ପୁଲିସ୍ ସହାୟତାରେ ସେମାନେ ହାତୀଙ୍କୁ ଘଉଡ଼ାଇଥିଲେ।ଏହି ହାତୀ ପଲ ନିକଟରେ ଥିବା ଜଙ୍ଗଲକୁ ପଳାଇଯାଇଥିବା ଝାରସୁଗୁଡ଼ା ବନଖଣ୍ଡ ରେଞ୍ଜର ରମେଶ ଚନ୍ଦ୍ର ନାଥ କହିଛନ୍ତି।
Also Read
ରେଞ୍ଜର କହିଛନ୍ତି, ପ୍ରଧାନ ରେଞ୍ଜରେ ଏହି ହାତୀ ପଲ ଥିଲେ। ଗତକାଲି ରାତିରେ ଡମରା ଓ ଷ୍ଟେସନ ଦେଇ ଝାରସୁଗୁଡ଼ା ଟାଉନ ଭିତରକୁ ପଶି ଆସି ମଙ୍ଗଳ ବଜାର ହସପିଟାଲ ପାଖରେ ଥିଲେ। ବନ ବିଭାଗ କର୍ମଚାରୀ ପହଞ୍ଚି ଏହି ହାତୀ ପଲକୁ ଘଉଡାଇଥିଲେ। ଏହି ହାତୀ ପଲ ମୁଙ୍ଗାପଡା, ସରବାହାଲ ଓ ବୃନ୍ଦାମାଲ ରାସ୍ତା ଦେଇ ବୁର୍ଖାମୁଣ୍ଡାର ଗ୍ରାମ୍ୟ ଜଙ୍ଗଲରେ ପ୍ରବେଶ କରିଛନ୍ତି। ଏହି ହାତୀ ପଲରେ ୧୨ ଜଣ ହାତୀ ଅଛନ୍ତି। ସେମାନଙ୍କ ମଧ୍ୟରେ କିଛି ଛୁଆ ହାତୀ ମଧ୍ୟ ଅଛନ୍ତି।
ଖାଦ୍ୟ ଅନ୍ୱେଷଣଣେ ଏହି ହାତୀ ପଲ ସହର ଭିତରକୁ ପଶି ଆସିଥିବା ସନ୍ଦେହ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
