Google 
ହୋଲିରେ ଦୁଃଖଦ ଘଟଣା ଘଟିଛି। ୧୧ କେଭି ତାର ସଂସ୍ପର୍ଶରେ ଆସି ନାବାଳକର ମୃତ୍ୟୁ ଘଟିଛି। ଏପରି ଘଟଣା ଘଟିଛି ଝାରସୁଗୁଡା ଜିଲ୍ଲା ବ୍ରଜରାଜନଗର କଲେଜ ନିକଟରେ। ନାବାଳକର ପରିଚୟ ମିଳିନାହିଁ। ତାଙ୍କ ଘର ଓରିଏଣ୍ଟ ଥାନା ଅନ୍ତର୍ଗତ ଶାସ୍ତ୍ରୀ ନଗରରେ ବୋଲି ଜଣାପଡ଼ିଛି। ପିଲାଟିର ହାତ ଓ ମୁହଁ ପୋଡ଼ି ଯାଇଛି।
ଆଜି ସକାଳେ ବ୍ରଜରାଜନଗର କଲେଜ ନିକଟରେ ଥିବା ଏକ ବିଦ୍ୟୁତ ଖୁଣ୍ଟ ନିକଟରେ ନାବାଳକର ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି।
Also Read
ପିଲାଟି ବିଦ୍ୟୁତ ଖୁଣ୍ଟକୁ ଚଢ଼ିଥିବା ବେଳେ ୧୧ କେଭି ତାର ସଂସ୍ପର୍ଶରେ ଆସି ମୃତ୍ୟୁ ଘଟିଥିବା ସନ୍ଦେହ କରାଯାଉଛି। ନାବାଳକ ଜଣଙ୍କ କ’ଣ ପାଇଁ ବିଦ୍ୟୁତ ଖୁଣ୍ଟ ନିକଟକୁ ଆସିଥିଲେ, ସେ କିପରି ବିଦ୍ୟୁତ ତାର ସଂସ୍ପର୍ଶରେ ଆସିଲେ ତା’ର କାରଣ ଅସ୍ପଷ୍ଟ ରହିଛି। ପୁଲିସ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
