ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ବିଜେଡି ଓ କଂଗ୍ରେସ ମଧ୍ୟରେ ଚାଲିଛି ଭିତିରି ବୁଝାମଣା। ବିଜେପିକୁ ରାଜ୍ୟରେ କିଭଳି କ୍ଷମତାରୁ ଦୂରେଇ ରଖାଯିବ ସେ ନେଇ ଦୁଇ ଦଳ ମଧ୍ୟରେ ଭିତିରି ବୁଝାମଣା ହୋଇଛି। ଏପରି କିଛି ଅଭିଯୋଗ ଆଣିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ୍ ଜୁଏଲ।</p> <p>ସେ କହିଛନ୍ତି, ‘‘ନିକଟରେ ବିଜେପୁର ଉପ ନିର୍ବାଚନରେ କଂଗ୍ରେସ ବିଜେଡିକୁ ସମର୍ଥନ କରିଲା। ଏଥିପାଇଁ ସେଠାରେ ବିଜେଡି ବିଜୟ ହେଲା। ଆଗାମୀ ଦିନରେ ବି ଏହି ଦୁଇ ଦଳ ବିଜେପି ବିରୋଧରେ ମିଳିମିଶି ଅଭିଯାନ ଚଳାଇବାକୁ ଉଦ୍ୟମ କରୁଛନ୍ତି।”</p> <p>ବିଜେଡି-କଂଗ୍ରେସ୍‌ ବୁଝାମଣା କଥା ଉଠାଇବା ସହ ଜୁଏଲ ସାଂସଦ ସୌମ୍ୟରଞ୍ଜନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି। ସୌମ୍ୟରଞ୍ଜନ ବିଜେଡି ଓ କଂଗ୍ରେସ ମଧ୍ୟରେ ସେତୁ ପରି କାମ କରୁଛନ୍ତି ବୋଲି ସେ କହିଛନ୍ତି।</p> <p>ଏହାସହ ଆଗାମୀ ନିର୍ବାଚନରେ ବିଜେପି ଏକାକି ଲଢ଼ିବ ଓ ଜିତିବ ବୋଲି ଜୁଏଲ ଦମ୍ଭୋକ୍ତି ଦେଖାଇଛନ୍ତି।</p> <p>ଅନ୍ୟପକ୍ଷରେ ଜୁଏଲଙ୍କ କଟାକ୍ଷର କଡ଼ା ଜବାବ ଦେଇଛନ୍ତି ସୌମ୍ୟରଞ୍ଜନ। ସେ କହିଛନ୍ତି, “ପାରିବାରିକ ସମ୍ପର୍କ ନେଇ ରାଜନୀତି କଲେ ଫଳବତୀ ହେବନି। ପାରିବାରିକ ସମ୍ପର୍କ ନେଇ ନିନ୍ଦିତ କରାଯିବାକୁ ଚେଷ୍ଟା କରାଯାଉଛି। ଜାନକୀବଲ୍ଲଭ ପଟ୍ଟନାୟକଙ୍କ ବେଳେ ମୁଁ ବିଜେପି ଓ ନିରଞ୍ଜନ କଂଗ୍ରେସରେ ଥିଲେ। ସେତେବେଳେ ଜୁଏଲ ଜାଣିପାରିଥିବେ ପ୍ରକୃତ କଥା କ’ଣ। କାଚ ଘରେ ରହି ଅନ୍ୟକୁ ଟେକା ଫିଙ୍ଗିବା ଉଚିତ ନୁହଁ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
