ବାଲିଗୁଡ଼ା(ଅଜିତ୍ ନାୟକ): ଗାଁରେ ଦୁଇ ଗୋଷ୍ଠୀ ମଧ୍ୟରେ ବିବାଦ ପାଇଁ ସତ୍କାର ହୋଇପାରୁନି ଶବ। ଗତକାଲିଠୁ ରାସ୍ତାରେ ପଡ଼ିରହିଛି ମୃତଦେହ । କନ୍ଧମାଳ ଜିଲ୍ଲା ରାଇକିଆ ଥାନା ମାଜୁମାହା ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା। ଗତକାଲି ମାଜୁମାହା ଗାଁର ଗଣ୍ଡାଲା ଦିଗାଲଙ୍କର ମୃତ୍ୟୁ ହୋଇଥିଲା । ପରିବାର ଲୋକେ ତାଙ୍କ ମରଶରୀରକୁ ସମାଧି ପାଇଁ ଗାଁ ଶ୍ମାସନକୁ ନେବା ବେଳେ ଗାଁର କୁଇ ସମାଜ ଶ୍ମସାନକୁ ନିଜ ଜାଗା ଦର୍ଶାଇ ବିରୋଧ କରିଥିଲେ । ଫଳରେ ପରିବାର ଲୋକ ଏବେ ବି ଶବ ସତ୍କାର ପାଇଁ ଅପେକ୍ଷା କରିଛନ୍ତି ।
ଏହାକୁ ନେଇ ଉତ୍ତେଜନା ପ୍ରକାଶ ପାଇବାରୁ ଘଟଣାସ୍ଥଳରେ ଜି ଉଦୟଗିରି ବିଡିଓ ଓ ରାଇକିଆ ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଛନ୍ତି । ତେବେ ଦୁଇ ପକ୍ଷ ନିଜ ନିଜ ଯିଦରେ ଅଟଳ ଥିବାରୁ ଏଯାଏଁ ସମାଧାନର ରାସ୍ତା ବାହାରିପାରିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
