କେନ୍ଦ୍ରାପଡ଼ା ଡିଆର୍‌ଡିଏ ଅଫିସ୍‌ରେ ବୋମାମାଡ଼

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଡିଆର୍‌ଡିଏ କାର୍ଯ୍ୟାଳୟ ପରିସରରେ ଆଜି ସକାଳ ପ୍ରାୟ ୮ଟା ବେଳେ ବୋମାମାଡ଼ ହୋଇଥିବା ଅଭିଯୋଗ ହୋଇଛି। ଡିଆର୍‌ଡିଏ କାର୍ଯ୍ୟାଳୟ ପରିସରରେ ଥିବା ଜିଲ୍ଲା ପରିଷଦ ଅଧ୍ୟକ୍ଷଙ୍କ ଅଫିସ୍‌ର ଝରକା ନିକଟରେ ଏହି ବିସ୍ଫୋରଣ ହୋଇଥିଲା। ତେବେ ଏଥିରେ କିଛି କ୍ଷୟକ୍ଷତି ହୋଇନି। ପୋଲିସ୍ ଘଟଣାର ତଦନ୍ତ କରୁଛି। ଅନ୍ୟପକ୍ଷରେ ବୋମାମାଡ଼ ଘଟଣାକୁ ନେଇ ଡିଆର୍‌ଡିଏ କର୍ମଚାରୀମାନେ ଭୟଭୀତ ହୋଇଯାଇଛନ୍ତି।