ଗାଧୋଇବା ବେଳେ ଟାଣିନେଲା କୁମ୍ଭୀର

ପଟ୍ଟାମୁଣ୍ଡାଇ(ଓଡ଼ିଶା ରିପୋର୍ଟର) ଗାଧୋଇବା ବେଳେ ଟାଣିନେଲା କୁମ୍ଭୀର ବ୍ରାହ୍ମଣୀ ନଦୀରେ ଗାଧୋଉ ଥିବାବେଳେ ଜଣେ ବ୍ୟକ୍ତି ନିଖୋଜ ହୋଇଯାଇଥିବା ଜଣାପଡିଛି । କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଅଂଚଳର ଏହି ଘଟଣା ଘଟିଛି।  ଅମୃତମଣୋହି ପଞ୍ଚାୟତ ଜଗନ୍ନାଥପୁର ଗାଁର ଜଣେ ବ୍ୟକ୍ତି ନିଖୋଜ ହୋଇଯାଇଛନ୍ତି ।

ସଂପୃକ୍ତ ବ୍ୟକ୍ତିଙ୍କୁ କୁମ୍ଭୀର ଟାଣି ନେଇଥିବା ଅଭିଯୋଗ ହୋଇଛି ।  ନିଖୋଜ ବ୍ୟକ୍ତିଙ୍କୁ ଖୋଜାଖୋଜି ଜାରି ରହିଛି।

ମୁଖ୍ୟତଃ ଭିତରକନିକା ଜାତୀୟ ଉଦ୍ୟାନରେ ଓ  ଏହା ବାହାରେ ପ୍ରବାହିତ ନଦୀ, ନାଳଗୁଡିକ କୁମ୍ଭୀରମାନଙ୍କର ଚଳପ୍ରଚଳ ଅଞ୍ଚଳ ହୋଇଥିବାରୁ ସେ ସବୁ ଅଞ୍ଚଳ ଅତ୍ୟନ୍ତ ବିପଦପୂର୍ଣ୍ଣ। ପଟ୍ଟାମୁଣ୍ଡାଇ, ରାଜନଗର, ମହାକାଳପଡ଼ା,ଗହୀରମଥା ଓ କନିକା ରେଞ୍ଜ ଅଧୀନରେ ଯାଉଥିବା ଗାଁ ଗୁଡ଼ିକ ଅତ୍ୟନ୍ତ ସମ୍ବେଦନଶୀଳ ଅଞ୍ଚଳ। ଏହି ସବୁ ଅଞ୍ଚଳରେ ଅନେକ ସମୟରେ ମଣିଷ ଓ ଗାଈ-ଗୋରୁଙ୍କୁ କୁମ୍ଭୀର ଟାଣି ନେଇଥିବା ନଜିର ରହିଛି।