OR 
ଋଣ ଆଣି ମାଛ ଚାଷ କରିଥିଲେ । ଭାବିଥିଲେ କିଛି ଲାଭ ହେଲେ ପରିବାର ସୁରୁଖୁରୁରେ ଚଳିବ । ମାତ୍ର ସହି ପାରିଲେନି ଦୁର୍ବୃତ୍ତ। ବିକ୍ରି ହେବା ପୂର୍ବରୁ ପୋଖରୀରେ ବିଷ ପକାଇଦେଲେ ଦୁର୍ବୃତ୍ତ। ଫଳରେ ମଲା ମାଛଗୁଡ଼ିକ ପୋଖରୀର ଭାସୁଥିବା ଦେଖି ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ମୁଣ୍ଡରେ ହାତ ଦେଇଛନ୍ତି। ଦୁର୍ବୃତ୍ତମାନେ ପ୍ରାୟ ୫ ଲକ୍ଷ ଟଙ୍କାର ମାଛ ମାରି ଦେଇଥିବା ଜଣାଯାଇଛି । ଏପରି ଘଟଣା କେନ୍ଦ୍ରାପଡ଼ା ଜିଲ୍ଲା ରାଜକନିକା ଥାନା ଅନ୍ତର୍ଗତ କୋରନ୍ଦ ପଂଚାୟତରେ ଘଟିଛି।
କୋରନ୍ଦ ପଂଚାୟତରେ ମା ମଙ୍ଗଳା ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ବ୍ୟାଙ୍କରୁ ୫ଲକ୍ଷ ଟଙ୍କା ଋଣଆଣି ମାଛ ଚାଷ କରିଥିଲେ। ଏଥର ଭଲ ମାଛ ହୋଇଥିବାରୁ କିଛି ଟଙ୍କା ଲାଭ ବାହାରିବ ବୋଲି ବି ଆଶା କରିଥିଲେ।
Also Read
ମାତ୍ର ଗତ ବୁଧବାର ବିଳମ୍ବିତ ରାତିରେ କେହି ଦୁର୍ବୁତ୍ତ ପୋଖରୀରେ ବିଷ ପକାଇ ଦେଇଥିଲ। ଫଳରେ ଗତକାଲି ସକାଳୁ ସକାଳୁ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ପୋଖରୀ ପାଖକୁ ଯାଇଥିବା ବେଳେ ବଡ଼ ବଡ଼ ମାଛସବୁ ମରିଭାସୁଥିବାର ଦେଖିବାକୁ ପାଇଥିଲେ।
ଏହାଦେଖି ମହିଳାମାନଙ୍କ ମୁଣ୍ଡରେ ଚଡ଼କ ପଡ଼ିଥିବା ବେଳେ ବ୍ୟାଙ୍କରୁ ଆଣିଥିବା ଋଣ କିପରି ଶୁଝିବେ ସେ ଚିନ୍ତା ଏବେ ସେମାନଙ୍କୁ ଘାରିଛି । ଏନେଇ ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ ରାଜକନିକା ଥାନାରେ ଏତଲା ଦିଆଯାଇଛି।ଅଭିଯୋଗ ଆଧାରରେ ରାଜକନିକା ପୁଲିସ ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
