କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ହନୁମାନ୍ତିଆ ପୋଲ ନିକଟରେ ସଡ଼କ ଦୁର୍ଘଟଣା ଘଟିଛି। ଏକ ଅଟୋ ଓ ବସ୍ ମଧ୍ୟରେ ଧକ୍କା ହେବାରୁ ୩ଜଣ ଆହତ ହୋଇଛନ୍ତି। ସେମାନେ ଅଟୋ ଡ୍ରାଇଭର ଚନ୍ଦ୍ରଶେଖର ପୁର ଗାଁର ଅର୍ଜୁନ ବାରିକ, ଝାରଡ଼ଖଣ୍ଡ ଅଞ୍ଚଳର ଶ୍ରମିକ ହିକମତ ଆନସାରୀ ଓ ମୁସ୍ତଫା ଆନସାରୀ। ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ଆଜି ସକାଳେ ଡ୍ରାଇଭର ଅର୍ଜୁନ ମୁସ୍ତଫା ଓ ହିକମତଙ୍କୁ ଅଟୋରେ ନେଇ ତେଲକୋଇ ଅଭିମୁଖେ ଯାଉଥିଲା। ଏହି ସମୟରେ ତେଲକୋଇରୁ ରାଉରକେଲା ଯାଉଥିବା ଏକ ଯାତ୍ରୀବାହୀ ବସ୍ ହନୁମନ୍ତିଆ ପୋଲ ନିକଟରେ ରଙ୍ଗ୍ ସାଇଡ୍ରେ ଆସି ଅଟୋକୁ ଧକ୍କା ଦେଇଥିଲା। ପରେ ବସ୍ଟି ସେଠାରୁ ପଳାଇଯାଇଥିଲା।
ଦୁର୍ଘଟଣାରେ ଅଟୋ ଡ୍ରାଇଭର ଓ ୨ ଜଣ ଶ୍ରମିକ ଆହତ ହୋଇଥିଲେ। ପୁଲିସ ଓ ସ୍ଥାନୀୟ ଲୋକ ସହାୟତାରେ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଦୁର୍ଘଟଣାରେ ବସ୍ରେ ଥିବା ଯାତ୍ରୀଙ୍କର କିଛି ହୋଇନାହିଁ। ବସ୍ ଅଟୋକୁ ଧକ୍କା ଦେବା ଫଳରେ ଅଟୋଟି ଭାଙ୍ଗି ରୁଜି ଯାଇଛି। ପୁଲିସ ଘଟଣାର ତଦନ୍ତ କରୁଛି।