କେନ୍ଦୁଝରରେ ବି ସମ୍ବଲପୁର ସ୍ଥିତି; ପୁଲିସ୍‌ ‍ବିରୋଧରେ ବିଜେପି ମହିଳା ମୋର୍ଚ୍ଚାର ସାଂଘାତିକ ଅଭିଯୋଗ

ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣ ପାଇଁ ମୁତୟନ ଥିବା ଟାଉନ ଥାନା ପୁଲିସ୍‌ ସହ ମୁହାଁମୁହିଁ ହୋଇଥିଲେ ବିଜେପି କର୍ମୀ। ଏହାକୁ ନେଇ ଉଭୟ ପକ୍ଷ ଟାଉନ ଥାନାରେ ଅଭିଯୋଗ କରିଛନ୍ତି।  

Injured PhotoOR

କେନ୍ଦୁଝର ମେଡିକାଲରେ ପୁଲିସ୍‌ ଅଧିକାରୀ ଚିକିତ୍ସିତ ହେଉଛନ୍ତି।

Niharika Rout
  • Published: Thursday, 16 February 2023
  • Updated: 16 February 2023, 10:44 AM IST

ସମ୍ବଲପୁର ପରିସ୍ଥିତିର ପୁନରାବୃତ୍ତି ଏବେ କେନ୍ଦୁଝରରେ ହୋଇଛି। ସମ୍ବଲପୁରରେ ଆନ୍ଦୋଳନ ବେଳେ ବିରୋଧି ଦଳ ନେତା ଜୟ ନାରାୟଣ ମିଶ୍ର ଓ ଜଣେ ମହିଳା ପୁଲିସ୍‌ ଆଇଆଇସି ମୁହାଁମୁହିଁ ହୋଇଥିଲେ। ଏହାକୁ ନେଇ ରାଜନୀତି ଜୋର ଧରିଛି। ଏବେ ଏପରି ଘଟଣାର ପୁନରାବୃତ୍ତି କେନ୍ଦୁଝରରେ ବି ହୋଇଛି। କେନ୍ଦୁଝର ଟାଉନ ଥାନା ଆଇଆଇସିଙ୍କ ସହ ମୁହାଁମୁହିଁ ହୋଇଛନ୍ତି ବିଜେପି ମହିଳା ମୋର୍ଚ୍ଚା ।

 ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇଥିବା ଅଭିଯୋଗ ଆଣି ଗତକାଲି କେନ୍ଦୁଝର ଜିଲ୍ଲାପାଳଙ୍କ ଅଫିସ ଘେରାଉ କରିଥିଲା ଜିଲା ବିଜେପି ମହିଳା ମୋର୍ଚ୍ଚା । ଏହି ସମୟରେ ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣ ପାଇଁ ମୁତୟନ ଥିବା ଟାଉନ ଥାନା ପୁଲିସ୍‌ ସହ ମୁହାଁମୁହିଁ ହୋଇଥିଲେ ବିଜେପି କର୍ମୀ। ଏହାକୁ ନେଇ ଉଭୟ ପକ୍ଷ ଟାଉନ ଥାନାରେ ଅଭିଯୋଗ କରିଛନ୍ତି।  

Also Read

ବିଜେପି ମହିଳା ମୋର୍ଚ୍ଚା ପକ୍ଷରୁ ହୋଇଥିବା ଅଭିଯୋଗ ଅନୁଯାୟୀ, ଆଜି ସକାଳେ ଆନ୍ଦୋଳନ ଚାଲିଥିବା ବେଳେ ଟାଉନ ଥାନା ଅଧିକାରୀ ସୁନୀଲ କର ମହିଳା କର୍ମୀଙ୍କ ଭିତରେ ପଶି  ଅସଦାଚରଣ କରିଥିଲେ। ଆନ୍ଦୋଳନରେ ମହିଳା ଥିବା ଜାଣି ବି ପୁଲିସ୍‌ ମହିଳା ଫୋର୍ସ ଆଣି ନ ଥିଲା। ମହିଳା କର୍ମୀଙ୍କ କାନ୍ଧରେ ହାତ ରଖିବା ସହ ସେମାନଙ୍କ ଶରୀରର ଅନ୍ୟ ସ୍ଥାନରେ ପୁଲିସ୍‌ ଅଧିକାରୀ ହାତ ମାରିଥିବା ନେଇ ଅଭିଯୋଗ ହୋଇଛି ।

ମହିଳା ମୋର୍ଚ୍ଚା କର୍ମୀଙ୍କ ଅଭିଯୋଗର କିଛି ସମୟ ପରେ ପୁଲିସ୍‌ ପକ୍ଷରୁ ମଧ୍ୟ ପାଲଟା ଅଭିଯୋଗ ହୋଇଛି । ବିଜେପି କର୍ମୀଙ୍କ ଆକ୍ରମଣରେ କିଛି ପୁଲିସ୍‌ କର୍ମଚାରୀ ଆହତ ହୋଇ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ଅଭିଯୋଗ ହୋଇଛି ।

ଉଭୟଙ୍କ ପକ୍ଷଙ୍କ ଅଭିଯୋଗର ତଦନ୍ତ ପରେ ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କେନ୍ଦୁଝର ଏସ୍‌ପି ସୂଚନା ଦେଇଛନ୍ତି।

ଅପରପକ୍ଷେ, ସମ୍ବଲପୁରରେ ବିରୋଧୀ ଦଳ ନେତା ଜୟନାରାୟଣ ମିଶ୍ର ଓ ଧନୁପାଲି ମହିଳା ଥାନା ଅଧିକାରୀଙ୍କ ମଧ୍ୟରେ  ଠେଲାପେଲା ଘଟଣାକୁ ନେଇ ତେଜିବାରେ ଲାଗିଛି ବିବାଦ।  ଆଜି ଏହି ପ୍ରସଙ୍ଗରେ ବିଜୁ ଜନତା ଦଳର ମହିଳା ଶାଖା ପକ୍ଷରୁ ଲୋୟର ପିଏମଜିରେ ଧାରଣା ଦିଆଯାଇଛି । ଘଟଣାରେ ଜୟନାରାୟଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି ବିଜେଡି ମହିଳା ଶାଖା ।

ସେପଟେ ଏହି ଘଟଣାରେ ଗତକାଲି ଉଭୟ ମହିଳା ଥାନା ଅଧିକାରୀ ଓ ବିଜେପି ପକ୍ଷରୁ ଏତଲା ଦିଆଯାଇଥିଲା । ଏହାପରେ ଉତ୍ତରାଞ୍ଚଳ ପୁଲିସ ଆଇଜି  ଓ ସମ୍ବଲପୁର ଏସପି ଟାଉନ ଥାନାରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।

ଗତକାଲି ସମ୍ବଲପୁର ଜିଲ୍ଲାପାଳଙ୍କ ଅଫିସ ଆଗରେ ବିଜେପିର ବିକ୍ଷୋଭ ବେଳେ ଥାନାଧିକାରୀଙ୍କ ସହ ବିରୋଧୀ ଦଳ ନେତାଙ୍କ ଠେଲାପେଲା ହୋଇଥିଲା ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos