କେନ୍ଦୁଝର(ପ୍ରଣୟ ପାଣି): ପୌର ଭୋଟ ବେଳେ କେନ୍ଦୁଝରରେ ଇଭିଏମ୍ ଅଦଳ ବଦଳ ହୋଇଥିବା ଅଭିଯୋଗ ହୋଇଛି । ୧୦ ନମ୍ବର ଓ୍ୱାର୍ଡ ସରକାରୀ ମହିଳା ମହାବିଦ୍ୟାଳୟର ୨୪ ନମ୍ବର ବୁଥ୍ରେ ଇଭିଏମ୍ ଅଦଳ ବଦଳ କରାଯାଇଥିବା ଅଭିଯୋଗ କରିଛନ୍ତି ବିଜେପିର ଚେୟାରମ୍ୟାନ ପ୍ରାର୍ଥୀ ନିକୁ ସାହୁ ।
ସେ କହିଛନ୍ତି, ଦିନ ପ୍ରାୟ ୧୧ଟା ବେଳେ ବୁଥ୍ ବୁଲିବା ସମୟରେ ଦେଖିଥିଲେ ଯେ, ୨୪ ନମ୍ବର ବୁଥ୍ର ଚେୟାରମ୍ୟାନ ଓ କାଉନସିଲର ପଦବୀ ପାଇଁ ଉଦ୍ଦିଷ୍ଟ ଥିବା ଇଭିଏମରେ ହଳଦିଆ ଓ ଗୋଲାପୀ ରଙ୍ଗର କାଗଜ ମରା ହୋଇ ନ ଥିଲା । ଚେୟାରମ୍ୟାନ ପଦବୀ ପାଇଁ ଉଦ୍ଦିଷ୍ଟ ଇଭିଏମ୍ ଜାଗାରେ କାଉନସିଲର୍ ପାଇଁ ଉଦ୍ଦିଷ୍ଟ ଇଭିଏମ୍ ରଖାଯାଇଥିଲା । ଏହି ଘଟଣା ପ୍ରଚାରିତ ହେବା ପରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା। ଅଭିଯୋଗ ପରେ ପୋଲିସ ଓ ମାଜିଷ୍ଟ୍ରେଟ ସେଠାରେ ପହଞ୍ଚି ତଦନ୍ତ କରିଛନ୍ତି ।
ପ୍ରିଜାଇଣ୍ଡିଂ ଅଫିସର ଓ ତାଙ୍କ ଅଧିକାରୀମାନେ ଅପଚେଷ୍ଟା କରୁଛନ୍ତି। ଚେୟାରମ୍ୟାନ, କାଉନସିଲର ପାଇଁ ଇଭିଏମ୍ ମେଶନି ଏପଟସେପଟ କରି ବୁଥ୍ କ୍ୟାପଚର ପାଇଁ ଚେଷ୍ଟା ଚଳାଇଥିବା କହିଛନ୍ତି ବିଜେପି ବିଧାୟକ ମୋହନ ମାଝି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
