କେନ୍ଦୁଝର (ପ୍ରଣୟ କୁମାର ପାଣି): ଘର ପ୍ଲାନ ଅନୁମୋଦନ କରି ଦେବାକୁ ୨୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ରଙ୍ଗେ ହାତ ଧରା ପଡିଲେ ଯୋଜନା ଅଧିକାରୀ। କେନ୍ଦୁଝର ସହରରେ ଏଭଳି ମାମଲା ସାମ୍ନାକୁ ଆସିଛି। ସହର ଯୋଜନା କେନ୍ଦୁଝର ଶାଖାର ଯାଞ୍ଚ ଅଧିକାରୀ ନିମାଇଁ ଚରଣ ସାହୁ ଜଣେ ବ୍ୟକ୍ତିଙ୍କ ଛାତ ଘର ପ୍ଲାନ ଅନୁମୋଦନ ନିମନ୍ତେ ୪୦ ହଜାର ଟଙ୍କା ଦାବି କରିଥିଲେ।
ତେବେ ଟଙ୍କା ନଦେବାରୁ ନିମାଇଁ ସାହୁ ଉକ୍ତ ବ୍ୟକ୍ତିଙ୍କୁ ବହୁତ ହଇରାଣ ହରକତ କରିଥିଲେ। ଯାହା ପରେ ବ୍ୟକ୍ତି ଜଣକ ୨୫ ହଜାର ଦେବାକୁ ରାଜି ହୋଇଥିଲେ। କିନ୍ତୁ ବ୍ୟକ୍ତି ଜଣକ ଚତୁରତାର ପରିଚୟ ଦେଇ କେନ୍ଦୁଝର ଭିଜିଲାନ୍ସକୁ ଏ ବାବଦରେ ଅବଗତ କରାଇଥିଲେ।
ଯୋଜନା ମୁତାବକ ଆଜି ସନ୍ଧ୍ୟାରେ ୨୫ ହଜାର ଟଙ୍କା ନେବା ବେଳେ ଲାଞ୍ଚୁଆ ନିମାଇଁ ଚରଣ ସାହୁଙ୍କୁ ମାଡ଼ି ବସିଥିଲା ଭିଜିଲାନ୍ସ। ତାଙ୍କଠାରୁ ଦିଆଯାଇଥିବା ରଙ୍ଗ ଲଗା ଟଙ୍କା ଜବତ କରିଥିଲା ଭିଜିଲାନ୍ସ। ଏଥି ସହ ତାଙ୍କ ଅଫିସ, କେନ୍ଦୁଝର ସ୍ଥିତ ବାସଭବନରେ ଏକକାଳୀନ ଚଢ଼ାଉ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
