ଓଲଟି ପଡ଼ିଲା ଅଙ୍ଗୁର ବୋଝେଇ ଟ୍ରକ୍‌

ତେଲକୋଇ ଦେଇ ଯାଇଥିବା ୪୯ ନମ୍ୱର ଜାତୀୟ ରାଜପଥର ଜଗମୋହନପୁର ହନୁମାନ ବଟିକା ପାଖରେ ଏକ ଅଙ୍ଗୁର ବୋଝେଇ ଟ୍ରକ୍‌ ଓଲଟି ପଡିଛି। ଅଙ୍ଗୁର ଗୁଡ଼ିକ ରାସ୍ତାରେ ବିଛେଇ ପଡ଼ିଛି। ଯିଏ ଯେମିତି ପାରିଲା ଅଙ୍ଗୁର ବୋହି ନେଇଛନ୍ତି।

ଅଙ୍ଗୁର ବୋଝେଇ ଟ୍ରକ୍‌ଟି ମହାରାଷ୍ଟ୍ରର ନାସିକରୁ ବାଂଲାଦେଶ ଯାଉଥିଲା। ତେବେ ରବିବାର ବିଳମ୍ୱିତ ରାତିରେ ଟ୍ରକ୍‌ଟି ଜାତୀୟ ରାଜପଥ ବିଞ୍ଝବାହାଳ ଓ ଜଗମୋହନପୁର ମଝିରେ ଥିବା ହନୁମାନ ବଟିକା ପାଖରେ ଡିଭାଇଡରେ ଉପରେ ଚଢି ଓଲଟି ପଡିଥିଲା। ସୌଭାଗ୍ୟ ବଶତଃ ଡ୍ରାଇଭରଙ୍କ କୌଣସି କ୍ଷତି ହୋଇନାହିଁ। ରାସ୍ତା ଉପରେ ଅଙ୍ଗୁର ବିଛାଡି ହୋଇପଡ଼ିଥିଲା। ଟୋଲ ଗେଟ୍‌ କର୍ମଚାରୀ ଟ୍ରକକୁ ରାସ୍ତାରୁ ହଟାଇଥିବା ଡ୍ରାଇଭର ମହମ୍ମଦ ମଣ୍ଟୁ ଶେଖ କହିଛନ୍ତି।

ରିପୋର୍ଟ- ତେଲକୋଇରୁ ଚିନ୍ମୟ କୁମାର ସାହୁ