ବରମୁଣ୍ଡ ବସ୍‌ଷ୍ଟାଣ୍ଡ ନୂଆ ପାର୍କିଂରେ ଜଳିଗଲା ବସ୍‌

ବରମୁଣ୍ଡା ବସ୍‌ଷ୍ଟାଣ୍ଡ ନୂଆ ପାର୍କିଂ ପଏଣ୍ଟରେ ଛିଡ଼ା ହୋଇଥିବା ଏକ ବସ ହୁତ୍‌ହୁତ ହୋଇ ଜଳିଗଲା। ଆଜି ଅପରାହ୍ନରେ ଏହି ଆକସ୍ମିକ ଅଗ୍ନିକାଣ୍ଡ ଘଟିଛି। ବସ ପଛ ପଟୁ ନିଆଁ ଲାଗିବା ପରେ କ୍ରମେ ଏହା ପୂରା ବସ୍‌କୁ କରାୟତ କରି ନେଇଥିଲା। କେହି ଜାଣିଶୁଣି ବସ୍‌କୁ ନିଆଁ ଲଗାଇଥିବା ବସ ମ୍ୟାନେଜର ସନ୍ଦେହ କରୁଛନ୍ତି।

ଏହି ବସ୍‌ ଆଜି ରାତିରେ ବଣେଇ ଯିବାର ଥିଲା। ସେଥିଲାଗି ବସ୍‌ଟି ନୂଆ ପାର୍କିଂ ପଏଣ୍ଟରେ ଅଟକି ରହିଥିଲା। ବସ୍‌ର ବନେଟ ଉପରେ ଡ଼୍ରାଇଭର ବସି ଥିବା ବେଳେ ହଠାତ୍ ନିଆଁ ଲାଗି ଥିବା ଜାଣିବାକୁ ପାଇଥିଲେ। ଭୟରେ ସେ ବସ୍‌ରୁ ଓହ୍ଲାଇ ପଡ଼ିଥିଲେ। ବସ୍‌ଟିରେ ଅଗ୍ନି ନିର୍ବାପକ ବ୍ୟବସ୍ଥା ଥିଲେ ମଧ୍ୟ କେହି ବି ନିଆଁ ଲିଭାଇବାକୁ ସାହାସ କରି ନଥିଲେ।

ଜଳି ଯାଇଥିବା ବସ୍।