ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀର ଜନଗହଳିପୂର୍ଣ୍ଣ ରାସ୍ତାରେ କାର୍କୁ ଟାର୍ଗେଟ କରି ବୋମାମାଡ଼। ଏଥିରେ କେହି ଆହତ ହୋଇ ନ ଥିବା ବେଳେ ଅଭିଯୁକ୍ତ ଖସି ଯିବାରେ ସଫଳ ହୋଇଛି।
ଗତ ରାତି ପ୍ରାୟ ୯ଟାରେ କଟକ ରୋଡ୍ରେ ଯାଉଥିବା ଏକ କାର୍କୁ ଟାର୍ଗେଟ କରି ବୋମାମାଡ଼ ହୋଇଛି । ବାଇକ୍ରେ ଆସି ୨ ଦୁର୍ବୃତ୍ତ ବୋମାମାଡ଼ କରିଛନ୍ତି । ବୋମାମାଡ଼ରେ କାର୍ଟି ସାମାନ୍ୟ କ୍ଷତିଗ୍ରସ୍ତ ହୋଇଥିବା ବେଳେ ଏଥିରେ କେହି ଆହତ ହୋଇନାହାନ୍ତି । ତେବେ ଘଟଣାସ୍ଥଳରୁ ଗୋଟିଏ ବୋମା ଜବତ ହୋଇଛି। ଆଉ ଏକ ବୋମାକୁ ପୁଲିସ୍ ନିଷ୍କ୍ରିୟ କରିଛି। ଘଟଣାସ୍ଥଳରୁ ଅଭିଯୁକ୍ତ ଫେରାର ହୋଇଯାଇଥିବା ବେଳେ ପୁଲିସ୍ ଅଭିଯୁକ୍ତଙ୍କ ଟେର ପାଇପାରିନି।