କୂଅ ଖୋଳିବାକୁ ଯିବାବେଳେ ଶ୍ରମିକଙ୍କୁ ଶୁଣ୍ଢ ଉଠାଇ କଚାଡି ଦେଲା ହାତୀ। ଖୋର୍ଦ୍ଧା ଜିଲାର ଟାଙ୍ଗୀ ରେଞ୍ଜ କମାଗୁରୁ ଗାଁରେ ଏପରି ଘଟଣା ଘଟିଛି। ମୃତ ବ୍ୟକ୍ତି ଜଣଙ୍କ ହେଲେ ସତ୍ୟବାଦୀ ବେହେରା। ତାଙ୍କ ଘର ରଣପୁର ଅଞ୍ଚଳରେ ।
ଆଗି ଭୋର ସମୟରେ ସତ୍ୟବାଦୀ କୂଅ ଖୋଳିବା ପାଇଁ ୨ଜଣ ଶ୍ରମିକ ସହ ସାଇକେଲ ଯୋଗେ କମାଗୁରୁ ଗାଁକୁ ଆସୁଥିଲେ। ଏହି ସମୟରେ ସେମାନେ ହାତୀ ହାବୁଡ଼ରେ ପଡ଼ି ଯାଇଥଲେ। ହାତୀକୁ ସତ୍ୟବାଦୀ ସହ ଅନ୍ୟ ୨ଜଣ ଶ୍ରମିକ ଦେଖି ଦୌଡ଼ିବାକୁ ଲାଗିଥିଲେ। ହାତୀଟି ମଧ୍ୟ ତାଙ୍କ ପଛରେ ଦୌଡ଼ିବାକୁ ଲାଗିଥିଲା। ପରେ ସତ୍ୟବାଦୀଙ୍କୁ ଶୁଣ୍ଢରେ ଉଠାଇ କଚାଡି ଦେଇଥିଲା। ଘଟଣାସ୍ଥଳରେ ସତ୍ୟବାଦୀଙ୍କର ମୃତ୍ୟୁ ଘଟିଥିଲା। ଅନ୍ୟ୨ଜଣ ଶ୍ରମିକ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ସତ୍ୟବାଦୀଙ୍କ ମୃତ୍ୟୁ ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି।