OR 
ମର୍ଣ୍ଣିଂୱାକ ଯାଇଥିବା ବେଳେ ଦଳି ଦେଲା ହାତୀ । ଫଳରେ ଆଉ ଘରକୁ ଫେରି ପାରିଲେନି ମହିଳା। ଫେରିଲା ତାଙ୍କ ମୃତଦେହ। ଏପରି ଏକ ଦୁଃଖଦ ଘଟଣା ଆଜି ସକାଳେ ଖୋର୍ଦ୍ଧା ଟାଉନ ଥାନା ପାନବରଜ ଗ୍ରାମରେ ଘଟିଛି। ମୃତା ମହିଳାଜଣକ ହେଲେ କିରଣବାଳା ମଙ୍ଗରାଜ ।
କିରଣବାଳା ଆଜି ସକାଳେ ମର୍ଣ୍ଣିୱାକ କରିବାକୁ ଅନ୍ୟ ଜଣେ ମହିଳାଙ୍କ ସାଥୀରେ ଯାଇଥିଲେ। ଉଭୟ ରାସ୍ତାରେ ଯାଉଥିବା ବେଳେ ହଠାତ୍ ପାନବରଜ ଖେଳ ପଡିଆ ନିକଟରେ ଏକ ହାତୀ ସେମାନଙ୍କ ସାମନାକୁ ଆସି ଯାଇଥିଲା। କିରଣବାଳା ହାତୀ ହାବୁଡ଼ରେ ପଡ଼ି ଯାଇଥିବା ବେଳେ ହାତୀଟି ତାଙ୍କୁ କଚାଡ଼ି ଦେଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା।
Also Read
ଅନ୍ୟ ମହିଳାଜଣକ ହାତୀ ଆକ୍ରମଣରେ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଖୋର୍ଦ୍ଧାଜିଲା ମୁଖ୍ୟ ଚିକିସାଳୟରେ ଭର୍ତ୍ତି କରିଛନ୍ତି।
ଏହି ଘଟଣା ପରେ ସ୍ଥାନୀୟ ଅଞ୍ଚଳରେ କୋକୁଆ ଭୟ ଖେଳି ଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
