ଲମତାପୁଟ( ଜଗତ ଜୀବନ): ରାଜ୍ୟ ସରକାରଙ୍କ ଅନଲାଇନ ପାଠ ପଢା ଆରମ୍ଭ ହେବା ପରେ ଏବେ ଅତି ଦୟନୀୟ ଅବସ୍ଥାରେ ଛାତ୍ରଛାତ୍ରୀଙ୍କ ପାଠପଢା ଚାଲିଛି । କିଏ ଗଛ ମୂଳେ ତ’ ଆଉ କିଏ ନିଜ ବିଦ୍ୟାଳୟ ବାରଣ୍ଡାରେ ବସି ୟୁଟ୍ୟୁବ୍ ମଧ୍ୟରେ ପାଠ ପଢା ଆରମ୍ଭ କରିଛନ୍ତି ।
ଏମିତି ଦୃଶ୍ୟ ଦେଖିବାକୁ ମିଳିଛି କୋରାପୁଟ ଜିଲ୍ଲା ଲମତାପୁଟ ବ୍ଲକର ଉପାନ୍ତ ମାଛକୁଣ୍ଡ ଓ ଅନକାଡେଲି ଅଂଚଳରେ । ସରକାରଙ୍କ ଅନଲାଇନ ପାଠ ପଢ଼ା ଯୋଜନାକୁ ଛାତ୍ରଛାତ୍ରୀ ଓ ଅଭିଭାବକ ମାନେ ସ୍ୱାଗତ କରିଛନ୍ତି ସତ ହେଲେ ଅଧିକାଂଶ ଅଞ୍ଚଳରେ ନେଟୱର୍କର ସୁବିଧା ନ ଥିବା ଯୋଗୁ ବହୁ ଛାତ୍ରଛାତ୍ରୀମାନେ ଅନଲାଇନ ପାଠପଢାରୁ ବଞ୍ଚିତ ହେଉଛନ୍ତି । ଗୋଟିଏ ପଟେ ନେଟୱର୍କ ଓ ଅନ୍ୟ ପଟେ ଅଧିକାଂଶ ଛାତ୍ରଛାତ୍ରୀଙ୍କ ପାଖରେ ସ୍ମାର୍ଟ ଫୋନ୍ର ବ୍ୟବସ୍ଥା ନାହିଁ।
ଉନ୍ନତି ମାନର ମୋବାଇଲ ଫୋନର ସୁବିଧା ନଥିବାରୁ ଅତି ଦୟନୀୟ ଅବସ୍ଥାରେ ଗଛ ମୂଳେ ଓ ବିଦ୍ୟାଳୟ ବାରଣ୍ଡାରେ ବସି ଅନଲାଇନ ପାଠପଢ଼ା ଆରମ୍ଭ କରିଛନ୍ତି । ୟୁଟ୍ୟୁବ୍ ମାଧ୍ୟମରେ ପାଠପଢ଼ା ଆରମ୍ଭ ହୋଇଥିବାରୁ ଅଧିକାଂଶ ଛାତ୍ରଛାତ୍ରୀମାନେ ପ୍ରଥମ ଦିନରେ ଅସୁବିଧାର ସମ୍ମୁଖୀନ ହୋଇଥିବା ଶିକ୍ଷକ ମାନେ ମଧ୍ୟ ପ୍ରକାଶ କରିଛନ୍ତି । ଅନ୍ୟପଟେ ଟିଭି ମାଧ୍ୟମରେ କିମ୍ବା ଅଫଲାଇନ ମଧ୍ୟରେ ପାଠପଢା ଇବାକୁ କିଛି ଛାତ୍ର ଛାତ୍ରୀ ମାନେ ଅନୁରୋଧ କରିଥିବା ବେଳେ ଅଧିକାଂଶ ଛାତ୍ରଛାତ୍ରୀ ୟୁଯ୍ୟୁରେ ପାଠ ପଢି ବେଶ ଉତ୍ସାହିତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
