ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଫୁଲବାଣୀ (ଓଡ଼ିଶା ରିପୋର୍ଟର): ସ୍ୱାମୀଙ୍କ ବନ୍ଧୁ ଘରକୁ ଯାଉଥିଲେ। ହେଲେ ବାଟରେ ପ୍ରସବ ଜନିତ ଯନ୍ତ୍ରଣା ଆରମ୍ଭ ହୋଇଯାଇଥିଲା। ସ୍ୱାମୀ ତୁରନ୍ତ ଆମ୍ବୁଲାନ୍ସକୁ ଫୋନ୍‌ କରିଥିଲେ। ଆମ୍ବୁଲାନ୍ସ ଆସିବାରେ ବିଳମ୍ବ କଲା। ଏହି ସମୟରେ ମହିଳାଙ୍କ ପ୍ରସବ ଯନ୍ତ୍ରଣା ଅଧିକ ତୀବ୍ର ହେବାରୁ ଉପାୟ ଶୂନ୍ୟ ହୋଇ ସ୍ୱାମୀ ନିଜେ ରାସ୍ତା କଡ଼ରେ ସ୍ତ୍ରୀର ପ୍ରସବ କରାଇଛନ୍ତି। ଏପରି ଅଭିଯୋଗ ଆସିଛି କନ୍ଧମାଳ ଜିଲ୍ଲା ସାର୍ତାଗୁଡ଼ା ଗାଁ ନିକଟରେ।</p> <p>ଅରାପାଜୁ ଗାଁର ଦିବ୍ୟ କଅଁର ଗର୍ଭବତୀ ପତ୍ନୀଙ୍କୁ ଧରି ସାର୍ତାଗୁଡ଼ା ଗାଁର ଜଣେ ସମ୍ପର୍କୀୟଙ୍କ ଘରକୁ ଯାଉଥିଲେ। ରାସ୍ତାକଡ଼ରେ ତାଙ୍କ ପତ୍ନୀଙ୍କୁ ପ୍ରସବକାଳୀନ ଯନ୍ତ୍ରଣା ହୋଇଥିଲା। ସେ ୧୦୨ ଏବଂ ୧୦୮ ଆମ୍ବୁଲାନ୍ସକୁ ଫୋନ୍ କରିଥିଲେ। କିନ୍ତୁ ଆମ୍ବୁଲାନ୍ସ ତୁରନ୍ତ ନପହଞ୍ଚିବାରୁ ରାସ୍ତା କଡ଼ରେ ଏକ ଗଛମୂଳେ ୪ଟି ଖୁଣ୍ଟ ପୋତିବା ସହ ଶାଢ଼ୀ ବାନ୍ଧି ପତ୍ନୀଙ୍କୁ ପ୍ରସବ କରାଇଥିଲେ ଦିବ୍ୟ।</p> <p>ଏହାପରେ ସ୍ଥାନୀୟ ଲୋକେ ପହଞ୍ଚି ଆମ୍ବୁଲାନ୍ସକୁ ଡାକିଥିଲେ। ଆମ୍ବୁଲାନ୍ସ ସହାୟତାରେ ମହିଳାଙ୍କୁ ଫୁଲବାଣୀ ଡାକ୍ତରଖାନାକୁ ନିଆଯାଇ ଉଭୟ ମାଆ ଏବଂ ନବଜାତ ଶିଶୁପୁତ୍ରକୁ ଭର୍ତ୍ତି କରାଯାଇଥିଲା। ଉଭୟଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ଜଣାପଡ଼ିଛି।</p> <p>କେଉଁ ପରିସ୍ଥିତିରେ ଆମ୍ବୁଲାନ୍ସ ବିଳମ୍ବରେ ପହଞ୍ଚିଲା ସେନେଇ ବିଭାଗୀୟ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
