୫ଶହ ଦେଇ ଝାମ୍ପି ନେଲେ ଲକ୍ଷାଧିକ ଟଙ୍କା

ଆଠଗଡ଼(ନିଳକଣ୍ଠ ଦୋରା): ରାତି ଅଧରେ ପେଟ୍ରୋଲ ପମ୍ପରୁ ତେଲ ପକାଇବା ବାହାନାରେ ଲକ୍ଷାଧିକ ଟଙ୍କା ଲୁଟିନେଲେ ୩ ଦୁର୍ବୃତ୍ତ। ପମ୍ପ କର୍ମଚାରୀଙ୍କ ମୁଣ୍ଡରେ ବନ୍ଧୁକ ଦେଖାଇ ଏପରି ଲୁଟ୍‌ ହୋଇଥିବା ବେଳେ ଏହାର ଭିଡିଓ ଏବେ ଭାଇରାଲ ହୋଇଛି। ଏପରି କାଣ୍ଡ ଗତ ରାତିରେ କଟକ ଜିଲ୍ଲା ଆଠଗଡ଼  ତିଗିରିଆ  ଥାନା ଅନ୍ତର୍ଗତ ପାଞ୍ଚଗାଁ ପେଟ୍ରୋଲ ପମ୍ପରେ ଘଟିଛି। ସିସିଟିଭିରେ କଏଦ ହୋଇଥିବା ଲୁଟ୍‌ର ଲାଇଭ୍‌ ଦୃଶ୍ୟ ଏବେ ଭାଇରାଲ ହେବାରା ଲାଗିଛି। ପୁଲିସ୍‌ ତଦନ୍ତ ଆରମ୍ଭ କରିଥିଲେ ବି ଅଭିଯୁକ୍ତଙ୍କ ଟେର ପାଇପାରିନି।

ସୂଚନାଯୋଗ୍ୟ,  ପାଞ୍ଚଗାଁ ପେଟ୍ରୋଲ ପମ୍ପରେ  ଗତ ରାତିରେ ଏକ ବାଇକ୍‌ରେ ୩ ଯୁବକ ପହଞ୍ଚିଲେ। ତେଲ ପକାଇଲେ । ୫ଶହ ଟଙ୍କା ବି ଦେଲେ। ହେଲେ ଆଖି ପିଛୁଳାକେ ଜଣେ ଦୁର୍ବୃତ୍ତ କର୍ମଚାରୀଙ୍କ ମୁଣ୍ଡରେ ବନ୍ଧୁକ ଲଗାଇଦେଲେ। ଏହାପରେ ଅନ୍ୟ ଜଣେ ଦୁର୍ବୃତ୍ତ କର୍ମଚାରୀଙ୍କ ନିକଟରୁ ବ୍ୟାଗ୍‌କୁ ଝାମ୍ପି ନେଇଥିଲେ। ଏହାପରେ ସେମାନେ ଦ୍ରୁତ ଗତିରେ ଘଟଣାସ୍ଥଳରୁ ପଳାଇଥିଲେ। ସିସିଟିଭିରେ କଏଦ ହୋଇଥିବା ଲୁଟ୍‌ର ଲାଇଭ୍‌ ଦୃଶ୍ୟ ଏବେ ଭାଇରାଲ ହେବାରା ଲାଗିଛି।

ପୁଲିସ୍‌ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ବି ଅଭିଯୁକ୍ତଙ୍କ ଟେର ପାଇପାରିନି।