ଦରିଗୁଡ଼ା ଗାଁରେ ଅଜଣା ରୋଗ ଆତଙ୍କ:୨ ମାସରେ ନେଲାଣି ୮ ଜୀବନ

<p>ମାଲକାନଗିରି: ମାଲକାନଗିରି ଜିଲ୍ଲା ଗମ୍ପାକୋଣ୍ଡା ପଞ୍ଚାୟତର ଦରିଗୁଡ଼ା ଗାଁରେ ଅଜଣା ରୋଗ ଆତଙ୍କ। ଗତ ଦୁଇ ମାସ ମଧ୍ୟରେ ଅଜଣା ରୋଗରେ ୮ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୪ଜଣ ଶିଶୁ ଅଛନ୍ତି। ପ୍ରଥମେ ଜ୍ୱର ଓ ମୁଣ୍ଡ ବ୍ୟଥା ପରେ ୩ରୁ ୪ ଦିନ ମଧ୍ୟରେ ରୋଗୀଙ୍କ ମୃତ୍ୟୁ ହେଉଛି।</p> <p>ଗାଁର ପୋଡ଼ି ପୋଡ଼ିଆମୀଙ୍କ ଜଣେ ଝିଅ ଅଜଣା ରୋଗରେ ଶିକାର ହୋଇ ଗୁରୁତର ଅବସ୍ଥାରେ କାଲିମେଳା ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିବା ବେଳେ ଆଉ ଜଣେ ଝିଅ ଅସୁସ୍ଥ ହୋଇ ଘରେ ପଡ଼ିରହିଛି।&nbsp; କେବଳ ଏହି ଦୁଇ ପିଲା ନୁହଁନ୍ତି, ଅନେକ ମଧ୍ୟ ଅଜଣା ରୋଗରେ ଆକ୍ରାନ୍ତ ହୋଇଛନ୍ତି।</p> <p>ଡାକ୍ତରଙ୍କ କହିବାନୁଯାୟୀ,&ldquo;ଏହି ଅଞ୍ଚଳର ରୋଗୀ ମରିବା କଥା ସତ। ତଦନ୍ତ ପରେ ମୃତ୍ୟୁର କାରଣ କଣ ଜଣାପଡ଼ିବ।&rdquo;</p> <p>ଗତବର୍ଷ ଜାପାନୀ ଏନସେଫାଲାଇଟିସରେ ଏହି ଅଞ୍ଚଳର ଅନେକ ଶିଶୁଙ୍କ ମୃତ୍ୟୁ ହୋଇଥିଲା। କିନ୍ତୁ ଏବେ ଅଜଣା ରୋଗ ଯୋଗୁଁ ସ୍ଥାନୀୟ ବାସିନ୍ଦା ଭୟଭୀତ ହୋଇପଡ଼ିଛନ୍ତି।</p> <p>&amp;nbsp;</p>