ମାଟ୍ରିକ ପରୀକ୍ଷାଫଳ ପ୍ରକାଶ ପାଇବା ପରେ ଅଳ୍ପ କିଛି ତ୍ରୁଟି ପଦାକୁ ଆସିଛି । ତେବେ ଏହାର ସମାଧାନ ଲାଗି ବୋର୍ଡ କର୍ତ୍ତୃପକ୍ଷ ତିନିଟି ୨୪ ଘଣ୍ଟିଆ ହେଲପ୍ ଲାଇନ ନମ୍ବର ବ୍ୟବସ୍ଥା କରିଛନ୍ତି । ସେଥି ମଧ୍ୟରୁ ବୋର୍ଡର ନିଜସ୍ୱ ଦୁଇଟି ନମ୍ବର ରହିଥିବାବେଳେ ସ୍କୁଲ ପରିସରରେ ଆଉ ଗୋଟିଏ ଟୋଲ ଫ୍ରି ନମ୍ବର ରହିଛି । ଗତ ତିନି ଦିନରେ ବୋର୍ଡର ହେଲପ୍ ଲାଇନ୍ ନମ୍ବରକୁ ୬୫୦ ଥର କଲ୍ ଆସିଛି । ସେଥି ମଧ୍ୟରୁ କିଛି ଅଭିଯୋଗ ମୂଳକ କଲ୍ ହୋଇଥିବାବେଳେ ଆଉ କିଛି କେବଳ ଇନ୍ କ୍ୱାରୀ କଲ ଭାବେ ପଞ୍ଜୀକୃତ ହୋଇଛି । ତେବେ ଏହିସବୁରୁ ୨୨ଟି ଅଭିଯୋଗକୁ ବୋର୍ଡ ଗୁରୁତ୍ୱର ସହ ନେଇଛନ୍ତି। ୨୨ ଜଣ ପରୀକ୍ଷାର୍ଥଙ୍କ ଉତ୍ତରଖାତାରେ ଆସ୍ୱାଭାବିକ ନମ୍ବର ରହିଥିଲା । ଅଭିଯୋଗ ପାଇବାରୁ ତିନିରୁ ଚାରି ଘଣ୍ଟା ମଧ୍ୟରେ ଏହାର ସମାଧାନ କରାଯାଇ ପରୀକ୍ଷାର୍ଥଙ୍କୁ ସଂଶୋଧିତ ମାର୍କ ଦିଆଯାଇଛି ବୋଲି ବୋର୍ଡ ସଭାପତି ସୂଚନା ଦେଇଛନ୍ତି । ତେବେ ଆସନ୍ତା ୧୨ ତାରିଖରୁ ପରୀକ୍ଷାର୍ଥୀ ମାନେ ନିଜର ଅଭିଯୋଗ ଅନ୍ ଲାଇନ୍ ଦାଖଲ କରିପାରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
