ଉଦଳା(ମାନସ ପାଣି):ଶିକ୍ଷକ ଦମ୍ପତ୍ତିଙ୍କ ଘରେ କଳାକନା ବୁଲାଇଲେ ଲୁଟେରା। ଘରେ କେହି ନ ଥିବାର ସୁଯୋଗ ନେଇ ୩ ଲକ୍ଷ ଟଙ୍କାର ସୁନା ଅଳଙ୍କାର ସମେତ ନଗଦ ୨୫ ହଜାର ଟଙ୍କା ଲୁଟି ନେଲେ। ପୁଲିସ୍ ଏବେ ଘଟଣାର ତଦନ୍ତ କରୁଥିଲେ ବି ଲୁଟେରାଙ୍କ ଟେର ପାଇପାରିନି। ଏପରି ଘଟଣା ମୟୂରଭଞ୍ଜ ଜିଲ୍ଲା ଉଦଳା ଅଠଣ ଗାଁରେ ଘଟିଛି । ଲୁଟ୍ର ଶିକାର ହୋଇଥିବା ଅଠଣଗାଁର କରୁଣାକର ନାୟକ ଓ ପତ୍ନୀ ଉଭୟ ଶିକ୍ଷକ ।
ଉଭୟ କରୁଣାକର ଓ ତାଙ୍କ ପତ୍ନୀ ଘରୁ ବାହାରକୁ ଯାଇଥିବା ବେଳେ ଘରେ ତାଲା ପଡ଼ିଥିଲା। ଗତକାଲି ମଧ୍ୟାହ୍ନରେ ସେମାନେ ଘରକୁ ଫେରି ଝରକାର ଗ୍ରିଲ କଟା ଯାଇଥିବା ଦେଖିବାକୁ ପାଇଥିଲେ । ଏହାପରେ ଘର ଭିତରେ ପଶି ଆଲମାରୀ ଭଙ୍ଗା ଯାଇଥିବା ବେଳେ ସେଥିରୁ ୩ ଲକ୍ଷ ଟଙ୍କାରୁ ଅଧିକ ମୂଲ୍ୟର ସୁନା ଅଳଙ୍କାର ଓ ନଗଦ ୨୫ ହଜାର ଟଙ୍କା ଲୁଟ୍ ହୋଇଥିବା ଜାଣିବାକୁ ପାଇଲେ।
ଉଦଳା ପୁଲିସ୍କୁ ଖବର ଦେବା ପରେ ପୁଲିସ୍ ପହଞ୍ଚି ତଦନ୍ତ ଜାରି ରଖିଛି । ତେବେ ଲୁଟେରାଙ୍କ ପତ୍ତା ମିଳିପାରିନି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
