Drown to death: ହୋଲି ଖେଳି ଗାଧୋଇବା ବେଳେ ଭାସିଗଲେ ନାବାଳକ

ହୋଲିରେ ବଡ଼ମ୍ବାର ଟି-ସେତୁ ନିକଟରେ ଘଟିଛି ଅଘଟଣ। ହୋଲି ଖେଳି ସାରି ସେଠାରେ ମହାନଦୀରେ ଗାଧୋଇବା ବେଳେ ଭାସିଯାଇ ଜଣେ ନାବାଳକଙ୍କ ମୃତ୍ୟୁ ଘଟିଛି।

ମୃତ ନାବାଳକଙ୍କ ନାଁ ଜୀବନ ବେହେରା। ତାଙ୍କ ଘର ବଡ଼ମ୍ବାର ତୁଣପୁର ଗାଁରେ।

ଟି-ସେତୁ ପାଖରେ ହୋଇଥିବା ଅସ୍ଥାୟୀ ପୋଲ ନିକଟରେ ଘଟିଛି ଏହି ଅଘଟଣ। 

ତୁଣପୁର ଗାଁର ତିନି ଜଣ ନାବାଳକ ହୋଲି ଖେଳି ଗାଧୋଇବାକୁ ଆସିଥିଲେ। ଗାଧୋଇବା ବେଳେ ଜୀବନ ବେହେରା ଭାସି ଯାଇଥିଲେ । 

ବାଙ୍କୀ ବୈଦେଶ୍ୱର ଦମକଳ ବାହିନୀ ପହଞ୍ଚି ନଦୀରୁ ନାବାଳକଙ୍କୁ ଉଦ୍ଧାର କରି ବଡ଼ମ୍ବା ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।