ମାତିଛନ୍ତି ଏଟିଏମ୍ ଲୁଟେରା, ମେସିନ୍‌ ଉଠାଇ ଚମ୍ପଟ

ଧର୍ମଗଡ଼(ଇଙ୍ଗିତ ପଣ୍ଡା): କଳାହାଣ୍ଡି ଜିଲ୍ଲାରେ ମାତିଛନ୍ତି ଏଟିମଏମ୍‌ ଲୁଟେରା। ଗୋଟିଏ ଏଟିଏମ୍‌ ମେସିନକୁ ଉଠାଇ ନେଇଥିବା ବେଳେ ଆଉ ଏକ ସ୍ଥାନରେ ଲୁଟ୍‌ ପାଇଁ ଉଦ୍ୟମ ପୁଲିସ୍ ପାଟ୍ରୋଲିଂ ଗାଡ଼ି ଆସିବାରୁ ପଣ୍ଡ ହୋଇଯାଇଛି।

ଗତକାଲି ବିଳମ୍ବିତ ରାତିରେ ଲୁଟେରାମାନେ ଚାରିଛକରେ ଥିବା ଇଣ୍ଡିଆନ୍ ଓଭର ସିଜ୍ ବ୍ୟାଙ୍କ (ଆଇଓବି) ଏଟିଏମରୁ ଲୁଟ୍ କରିଛନ୍ତି। ଲୁଟେରାମାନେ ଏଟିଏମ୍ ମେସିନକୁ ଗ୍ୟାସ୍‌ କଟରରେ କାଟି ପିକଅପ୍‌ ଭ୍ୟାନରେ ଲଦି ଫେରାର ହୋଇଯାଇଛନ୍ତି। କ୍ୟାସ୍‌ ବକ୍ସରେ ୨ଲକ୍ଷରୁ ଊର୍ଦ୍ଧ୍ୱ ଟଙ୍କା ଥିବା ବ୍ୟାଙ୍କ କର୍ତ୍ତୁପକ୍ଷ କହିଛନ୍ତି।

ସେହିପରି ବସ୍ତିପଡାରେ ଥିବା ଭାରତୀୟ ଷ୍ଟେଟ ବ୍ୟାଙ୍କ (ଏସ୍‌ବିଆଇ) ଏଟିଏମ୍ ଲୁଟ୍‌ କରିବା ପାଇଁ  ଦୁର୍ବୃତ୍ତ ଉଦ୍ୟମ କରିଥିଲେ। ହେଲେ ପୁଲିସ୍ ଗାଡ଼ି ଆସିବାରୁ ଲୁଟେରାମାନେ ଫେରାର ହୋଇଯାଇଥିଲେ।

କଳାହାଣ୍ଡି ଏସ୍‌ପି ବି. ଗଙ୍ଗାଧର ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ଏହାସହ ପୁଲିସର ସ୍ୱତନ୍ତ୍ର ଟିମ୍‌ ଏହାର ଯାଞ୍ଚ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।