ରାଜଧାନୀରେ ମହିଳାଙ୍କଠାରୁ ୫ ଲକ୍ଷ ଝାମ୍ପିନେଲେ ଦୁର୍ବୃତ୍ତ

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରର ଫୁଲନଖରା ନିକଟ ତ୍ରିନାଥ ବଜାର ଛକରୁ ଜଣେ ମହିଳା ଲୁଟ୍‌ର ଶିକାର ହୋଇଛନ୍ତି। ମହିଳାଙ୍କ ସ୍କୁଟିରୁ ବ୍ୟାଗ ସହ ୫ ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ। ମହିଳା ଜଣଙ୍କ ପାହାଳରେ ବ୍ୟାଙ୍କରୁ ଟଙ୍କା ଉଠାଇ ଯାଉଥିବା ବେଳେ ଏହି ଘଟଣା ଘଟିଥିଲା। ମିଳିଥିବା ସୂଚନା ଅନୁଯାୟୀ, ସ୍କୁଟି ରଖି ମହିଳା ଜଣଙ୍କ ଆଉ ଜଣଙ୍କ ସହ କଥା ହେଉଥିବା ବେଳେ ପଛରୁ ଆସି ଟଙ୍କା ଭର୍ତ୍ତି ବ୍ୟାଗ ଧରି ପଳାଇଲେ ଦୁର୍ବୃତ୍ତ। ତେବେ ପୂରା ଦୃଶ୍ୟ ସିସିଟିଭିରେ କଏଦ ହୋଇଛି।