ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବ୍ରହ୍ମପୁର (ଓଡ଼ିଶା ରିପୋର୍ଟର): ବ୍ରହ୍ମପୁର ଏମ୍‌କେସିଜିରେ ଜୁନିୟର ଛାତ୍ରଙ୍କୁ ସିନିୟର ଛାତ୍ରଙ୍କ ରାଗିଂ ବିବାଦର ସମାଧାନ ହୋଇଯାଇଛି। ଦ୍ୱିତୀୟ ବର୍ଷ ଓ ସିନିୟର ଛାତ୍ରଙ୍କୁ ନେଇ ପ୍ରିନ୍ସିପାଲଙ୍କ ଆପୋଷ ଆଲୋଚନା ପରେ ମାମଲାର ସମାଧାନ ହୋଇଛି।</p> <p>ଏମ୍‌କେସିଜି କଲେଜ ଛାତ୍ରନିବାସରେ ସିନିୟରମାନେ ନିର୍ଯାତନା ଦେଉଥିବା ଅଭିଯୋଗ ଆଣିଥିଲେ ଦ୍ୱିତୀୟ ବର୍ଷ ଡାକ୍ତରୀ ଛାତ୍ର। ଜୁନିୟରଙ୍କୁ ଛୋଟ କରି ଚୁଟି କାଟିବାକୁ ବାଧ୍ୟ କରିବା ସହ ଦୀର୍ଘ ସମୟ ଧରି ଠିଆ ହେବାକୁ କହୁଥିବା କହିଥିଲେ ସିନିୟର। ଏହାର ପ୍ରତିବାଦରେ ଗତକାଲି ରାତିରୁ ହଷ୍ଟେଲ ବାହାରକୁ ଆସି ଧାରଣାରେ ବସିଥିଲେ ଦ୍ୱିତୀୟ ବର୍ଷର ଡାକ୍ତରୀ ଛାତ୍ର।</p> <p>ଅନ୍ୟପଟେ ଦ୍ୱିତୀୟ ବର୍ଷ ଛାତ୍ରଙ୍କ ରାଗିଂ ଅଭିଯୋଗକୁ ଖଣ୍ଡନ କରିଥିଲେ ସିନିୟର। ଦ୍ୱିତୀୟ ବର୍ଷର ଛାତ୍ରଙ୍କ ବିରୋଧରେ ସେମାନେ ରାଗିଂର ପାଲଟା ଅଭିଯୋଗ କରିଥିଲେ। ଘଟଣାକୁ ନେଇ ଆଜି ସକାଳୁ ବିବାଦ ଲାଗି ରହିଥିବାବେଳେ, ମେଡିକାଲ କର୍ତ୍ତୃପକ୍ଷଙ୍କ ହସ୍ତକ୍ଷେପ ପରେ ବିବାଦର ସମାଧାନ ହୋଇଛି।</p> <p>ସୂଚନାଯୋଗ୍ୟ, ଗତ ବର୍ଷେ ହେବ କଲେଜର ନୂଆ ହଷ୍ଟେଲରେ ରହି ଆସୁଥିଲେ ପ୍ରଥମ ବର୍ଷର ଛାତ୍ର। ଶନିବାର ରେଜଲ୍ଟ ଆସିବା ପରେ ପ୍ରଥମ ବର୍ଷରୁ ଦ୍ୱିତୀୟ ବର୍ଷକୁ ଉନ୍ନୀତ ହୋଇଥିବାରୁ ସେମାନେ ପ୍ରଥମ ବର୍ଷ ପାଇଁ ଉଦ୍ଦିଷ୍ଟ ହଷ୍ଟେଲ ଛାଡ଼ିବା କଥା। କିନ୍ତୁ ସେମାନେ ହଷ୍ଟେଲ ଛାଡ଼ିବାକୁ ଚାହୁଁ ନଥିବାରୁ ରାଗିଂର ମିଛ ଆଶ୍ରୟ ନେଇ କଥା ବି ଚର୍ଚ୍ଚା ହେଉଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
