ନବ ନିର୍ମାଣ କୃଷକ ସଙ୍ଗଠନର ରେଳରୋକ

ଯାଜପୁର (ଗୁଲାମ ଗୋସ୍‌): ଯାଜପୁର ଜିଲ୍ଲା ଗଡ଼ମଧୁପୁର ରେଳ ଷ୍ଟେସନରେ ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଆଜି ରେଳରୋକ କରାଯାଇଥିଲା। ସଙ୍ଗଠନର ବହୁ ମହିଳା ଓ ପୁରୁଷ କର୍ମୀମାନେ ଏକ ଶୋଭାଯାତ୍ରାରେ ଆସି ବିଭିନ୍ନ ନାରବାଜି କରିବା ସହ ରେଳରୋକ କରିଥିଲେ।

ଫଳରେ କିଛି ସମୟ ପାଇଁ ଧଉଳି ଏକ୍ସପ୍ରେସ୍‌ ଷ୍ଟେସନରେ ଅଟକି ରହିଥିଲା। ଜିଆରପି ଓ ଜେନାପୁର ପୁଲିସ୍‌ ଆନ୍ଦୋଳନକାରୀଙ୍କୁ ରେଳ ଧାରଣାରୁ ହଟାଇ ନେବା ପରେ ଟ୍ରେନ୍‌ ଚଳାଚଳ ସ୍ୱାଭାବିକ ହୋଇଥିଲା।

ସୂଚନାଯୋଗ୍ୟ, ପ୍ରାଇସ୍, ପ୍ରେଷ୍ଟିଜ୍‌ ଓ ପେନ୍‌ସନ୍‌ ଦାବିରେ ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ  ଗତ ୧୧ ତାରିଖରୁ ରାଜ୍ୟବ୍ୟାପୀ ଅର୍ଥନୈତିକ ଅବରୋଧ ଜାରି ରହିଛି।