ନବରଙ୍ଗପୁର: ପୁଣି ଚେଙ୍କ ଅଭିଯୋଗ। ତେବେ ଏଥର କୌଣସି ଶିଶୁ ନୁହେଁ ଚେଙ୍କର ଶିକାର ହୋଇଛନ୍ତି ଜଣେ ମହିଳା। ଏପରି ଅଭିଯୋଗ ଆସିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ଚିତାବେଡ଼ା ଗ୍ରାମରୁ। ଏହି ଗାଁର ରବିବାରୀ ମାଝି ନାମକ ଜଣେ ମହିଳାଙ୍କୁ ଚେଙ୍କ ଦିଆଯାଇଥିବା ଅଭିଯୋଗ ହୋଇଛି। ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ରାଇଘର ବ୍ଲକ ଚିତାବେଡ଼ା ଗ୍ରାମ ରବିବାରୀଙ୍କ ପେଟ ବଥା କରୁଥିଲା। ଏଥିରୁ ଉପଶମ ପାଇବା ପାଇଁ ସେ ଦିଶାରୀଠାରୁ ଚେଙ୍କ ନେଇଥିଲେ। ଚେଙ୍କ ନେବା ପରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଥିଲା। ପରିବାର ଲୋକେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।
ନବରଙ୍ଗପୁର ଜିଲ୍ଲା ଉମରକୋଟ ଓ ରାଇଘରରେ ଚେଙ୍କ ଚିକିତ୍ସା ଥମିବାର ନାମ ଧରୁନି। ଏହି ଦୁଇ ବ୍ଲକରେ କିଛି ଦିନ ତଳେ ଶିଶୁମାନଙ୍କୁ ଚେଙ୍କ ଦିଆଯାଇଥିଲା। ସେମାନଙ୍କ ଅବସ୍ଥା ଗୁରୁତର ହେବାରୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।