ସ୍ତ୍ରୀକୁ ଟାଙ୍ଗିଆରେ ହାଣି ସ୍ୱାମୀର ଆତ୍ମହତ୍ୟା

ନବରଙ୍ଗପୁର (ନବଘନ ବିଷୋୟୀ): ସ୍ତ୍ରୀକୁ ହତ୍ୟା କରି ସ୍ୱାମୀର ଆତ୍ମହତ୍ୟା। ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ବାଙ୍କୁଲି ପଞ୍ଚାୟତ ଭଣ୍ଡିମାଲ ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି। ତେବେ ଏହି ହତ୍ୟାକାଣ୍ଡର ଅସଲ କାରଣ କ’ଣ, ତାହା ଅସ୍ପଷ୍ଟ ରହିଛି ।

ମୃତ ସ୍ୱାମୀ ଓ ସ୍ତ୍ରୀ ହେଉଛନ୍ତି ଡାବୁଗାଁ ଥାନା ଅନ୍ତର୍ଗତ ଡୁମର ଅଡ଼ା ଗ୍ରାମର। ମୃତ ସ୍ତ୍ରୀ ହେଲେ ପାର୍ବତୀ ଜାନୀ ଓ ସ୍ୱାମୀ ହେଲେ ନୀଳଧର ଯାନୀ। ଦୁହେଁ କିଛି ଦିନ ହେବ ନିଜ ଭଉଣୀ ଘର ଭଣ୍ଡିମାଲ ଗ୍ରାମକୁ ବୁଲିବାକୁ ଆସିଥିଲେl ଘରଠାରୁ ପ୍ରାୟ ୧୦୦ ମିଟର ଦୂରରେ ନୀଳଧର ପ୍ରଥମେ ତା’ ସ୍ତ୍ରୀକୁ ଟାଙ୍ଗିଆରେ ହାଣି ଥିଲା।

ଏହା ପରେ ନୀଳଧର ନିଜେ ଗଛରେ ଦଉଡ଼ି ଲଗାଇ ଆତ୍ମହତ୍ୟା କରିଛି। କିନ୍ତୁ ଉଭୟଙ୍କ ମୃତ୍ୟୁର କାରଣ ଜଣା ପଡ଼ିନାହିଁ । ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଉଭୟ ସ୍ୱାମୀ ଓ ସ୍ତ୍ରୀର ମୃତଦେହ ବ୍ୟବଚ୍ଛେଦ କରାଯିବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।