ଉମରକୋଟ (କାର୍ତ୍ତିକ ମଲ୍ଲିକ): ଘର ଭିତରୁ ମିଳିଲା ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ। ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅନ୍ତର୍ଗତ ନିରୁଣ୍ଡି ଗ୍ରାମରେ। ଦୁହେଁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ଉମରକୋଟ ପୁଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ପ୍ରାପ୍ତ ସୂଚନା ମୁତାବକ୍ ଉମରକୋଟ ଥାନା ଅନ୍ତର୍ଗତ ନିରୁଣ୍ଡି ଗ୍ରାମର ମାଳି ଭତ୍ରାଙ୍କ ପୁଅ ନକୁଳ ଭତ୍ରା ଏବଂ ଖଗପତି ଭତ୍ରାଙ୍କ ଝିଅ ଈନ୍ଦୁମତୀ ଭତ୍ରା ଦୁହେଁ ଗୋଟିଏ ଗ୍ରାମର। ଦୁହେଁ ଦୀର୍ଘ ଦିନ ଧରି ପରସ୍ପରକୁ ଭଲ ପାଉଥିଲେ। ଗତ ୩ ତାରିଖ ଦିନ ଉଭୟ ନକୁଳ ଓ ଈନ୍ଦୁମତୀ ନିଜ ନିଜ ଘର ଛାଡି କୁଆଡ଼େ ଚାଲିଯାଇଥିଲେ। ପାଖାପାଖି ୭ ଦିନ ଧରି ବାହାରେ ରହିବା ପରେ ନିଜ ଘରକୁ ଫେରିଥିଲେ।
ଘରକୁ ଫେରିବା ପରେ ଦୁହେଁ ନକୁଳ ଭତ୍ରାଙ୍କ ଘରେ ପରିବାର ସହ ରହୁଥିଲେ। ତେବେ ଗତ କାଲି ସନ୍ଧ୍ୟାରେ ଦୁହେଁ ନିଜ ଘରେ ବେକରେ ଏକ ରଶି ଲଗାଇ ଦେଇଥିବା ପରିବାର ଲୋକ ଦେଖିବାକୁ ପାଇଥିଲେ। ଉଭୟଙ୍କ ପରିବାର ଲୋକେ ତୁରନ୍ତ ଉମରକୋଟ ପୁଲିସକୁ ଖବର ଦେଇଥିଲେ।
ଉମରକୋଟ ପୁଲିସ ଏବଂ କୋରାପୁଟରୁ ଏକ ସ୍ୱତନ୍ତ୍ର ଫରେନ୍ସିକ୍ ଟିମ ଘଟଣା ସ୍ଥଳରେ ପହଞ୍ଚି ଦୁହିଁଙ୍କ ମୃତଦେହ ଉଦ୍ଧାର କରିବା ସହ ଘଟଣାର ତଦନ୍ତ ଚଳାଇଥିବା ସୂଚନା ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
