ଯାଜପୁର (ଗୁଲାମ ଗସ୍): କରୋନାକୁ ନେଇ ଆସିଲା ଉଦ୍ବେଗଜନକ ଖବର। ଯାଜପୁର ଜିଲ୍ଲାର ନାଏବ ସରପଞ୍ଚ ଓ ତାଙ୍କ ସ୍ୱମୀଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଯାଜପୁର ଟାଉନ ଥାନା ରାହାସୋଇ ପଂଚାୟତ ରାହାସୋଇ ଗ୍ରାମରେ ଗତ ୨୯ ତାରିଖରେ ୫ ଜଣ ଯୁବକ କଲିକତାରୁ ଆସି ରହିଥିଲେ । ତେବେ ତାଙ୍କୁ ସ୍ଥାନୀୟ ନାଏବ ସଂରପଚ ସରକାରୀ କ୍ୱାରେନଟାଇନରେ ରହିବାକୁ କହିଥିଲେ ।
ଏଥିରେ ରାଗି ଯାଇ ଯୁବକମାନେ ଅନ୍ୟ ଯୁବକଙ୍କ ସହଯୋଗରେ ମହିଳା ନାଏବ ସରପଂଚ ଓ ଆଶା ଦିଦିଙ୍କୁ ଖରାପ ବ୍ୟବହାର କରିବା ସହ ନାଏବ ସରପଂଚ ଓ ସ୍ୱାମୀଙ୍କୁ ମାଡ ମାରିଥିଲେ । ଏନେଇ ଯାଜପୁର ଟାଉନ ଥାନାରେ ନାଏବ ସରପଞ୍ଚ ଜଲୀ ସାହୁ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।