ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ୫ରୁ ୯ ତାରିଖ ପର୍ଯ୍ୟନ୍ତ 'ସୃଜନ' “ଓଏମ୍ସି ଗୁରୁ କେଳୁଚରଣ ମହାପାତ୍ର ସମ୍ମାନ ପର୍ବ” ଅନୁଷ୍ଠିତ ହେବ। ଭୁବନେଶ୍ୱର ରବୀନ୍ଦ୍ର ମଣ୍ଡପରେ ଆୟୋଜିତ ହେବାକୁ ଥିବା ଉତ୍ସବରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତିଙ୍କୁ ସମ୍ମାନିତ କରାଯିବ।
ଚଳିତବର୍ଷ ପାଇଁ ଡ॰ ସଚ୍ଚି ଦାସ (ଥିଏଟର) ଓ ଗୁରୁ ଲିଙ୍ଗରାଜ ବେହେରା(ନୃତ୍ୟ)ଙ୍କୁ “ନାଲ୍କୋ ଗୁରୁ କେଳୁଚରଣ ମହାପାତ୍ର ସମ୍ମାନ” ପ୍ରଦାନ କରାଯିବ।
ସେହିପରି ଓଡ଼ିଶୀ ନୃତ୍ୟାଙ୍ଗନା ସୋନାଲି ମହାପାତ୍ର, କୋଲକାତାର ଓଡ଼ିଶୀ ନୃତ୍ୟ ଶିଳ୍ପୀ ସୁବିକାଶ ମୁଖାର୍ଜୀ, ଦିଲ୍ଲୀ କଥକ ନୃତ୍ୟଶିଳ୍ପୀ ସ୍ୱାତୀ ସିହ୍ନା ଓ ମୁମ୍ବାଇର ଓଡ଼ିଶୀ ମର୍ଦ୍ଦଳ ବାଦକ ରୋହନ୍ ସୁରେଶ ଦହାଲେଙ୍କୁ “ନାଲକୋ ଗୁରୁ କେଳୁଚରଣ ମହାପାତ୍ର ଯୁବ ପ୍ରତିଭା ସମ୍ମାନ” ପ୍ରଦାନ କରାଯିବ।
ଉତ୍ସବର ପ୍ରତି ସନ୍ଧ୍ୟାରେ ଦେଶର ବହୁ ବିଶିଷ୍ଟ କଳାକାର ନୃତ୍ୟ ଓ ସଙ୍ଗୀତ ପରିବେଷଣ କରିବେ। ୯ ତାରିଖର ଉଦଯାପନୀ ସନ୍ଧ୍ୟାରେ ଚଳଚ୍ଚିତ୍ର ତାରକା ତଥା ସାଂସଦ ହେମାମାଳିନୀ ଅତିଥି ଭାବେ ଯୋଗ ଦେବେ ବୋଲି 'ସୃଜନ'ର ନିର୍ଦ୍ଦେଶକ ଗୁରୁ ରତିକାନ୍ତ ମହାପାତ୍ର ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
