ଯେବେ ନରେଶ ଆସନ୍ତି, ହାର ମାନିଯାଏ ହାତୀ

<p>କେନ୍ଦୁଝର (ଓଡ଼ିଶା ରିପୋର୍ଟର): କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜରେ ହାତୀ ମାତିଛନ୍ତି। ହାତୀ ପଲ ଖାଦ୍ୟ ପାଇଁ ଜଙ୍ଗଲ ଛାଡି ଗାଁକୁ ଚାଲି ଆସି ଘରଦ୍ୱାର ଭାଙ୍ଗି ଦେଉଛନ୍ତି। ଏପରିକି ଉଜାଡ଼ି ଦେଉଛନ୍ତି ଫସଲ। ଚାଷୀ ସର୍ବହରା ହୋଇଯାଉଛନ୍ତି। ଏମିତି ସମୟରେ ଗାଁ ଲୋକଙ୍କ ପାଇଁ ଭଗବାନ ସାଜିଛନ୍ତି ନରେଶ ମହାନ୍ତ। ୱାନ୍&zwnj; ମ୍ୟାନ ଆର୍ମି ଭଳି ହାତରେ ଅମରି ବାଡି ଧରି ନରେଶ ଲାଗି ପଡନ୍ତି ହାତୀ ଘଉଡାଇବା କାମରେ। ନରେଶକୁ ଦେଖି ହାତୀ ଚୁପଚାପ୍ ଜଙ୍ଗଲ ଭିତରକୁ ଚାଲିଯାଆନ୍ତି।</p> <p>ହାତୀପଲ ଘଉଡାଇବା ପାଇଁ ବନ୍ୟପ୍ରାଣୀ ବିଭାଗର ରହିଛି ଏକ ସ୍ୱତନ୍ତ୍ର ସ୍କ୍ୱାର୍ଡ। ଏହି ସ୍କ୍ୱାର୍ଡର ସଦସ୍ୟ ଅଛନ୍ତି ନରେଶ। ଗାଈଆଳ ଗାଈ ଗୋଠକୁ ନିୟନ୍ତ୍ରଣ କରିବା ଭଳି ହାତୀପଲଙ୍କୁ ସେ ଜଙ୍ଗଲ ମୁହାଁ କରିଥାନ୍ତି। ଅନେକ ବର୍ଷ ଧରି ଏଭଳି କରିଆସୁଛନ୍ତି ନରେଶ। ଜୀବନରୁ ପାଣି ଛଡାଇ ହାତୀପଲଙ୍କୁ ଏଭଳି ଉପାୟରେ ଘଉଡାଉଛନ୍ତି ନରେଶ।</p> <p>ନରେଶ କହିଛନ୍ତି-&ldquo;୨୦୧୧ ମସିହାରୁ ହାତୀ ପଲ ଘଉଡାଇବା କାମ କରୁଛି। ଏବେ ଆମେ ହାତୀଙ୍କ ସାଙ୍ଗ ହୋଇଗଲୁଣି। କେଉଁ ହାତୀ କେତେ ମାରାତ୍ମକ ତାଙ୍କୁ ଚିହ୍ନି ଗଲୁଣି।&rdquo;</p> <p>ଗ୍ରାମବାସୀ ରୁପେଶ୍ୱର ମୁଣ୍ଡା କହିଛନ୍ତି-&ldquo;ହାତୀ ଗାଁକୁ ଆସିଲେ ଆମେ ନରେଶଙ୍କୁ ଫୋନ୍&zwnj; କରୁ। ସେ ଆସି ଘଉଡାଇଲେ ହାତୀ ପଲ ପଳାନ୍ତି। ତାଙ୍କୁ କିଛି କରନ୍ତି ନାହିଁ।</p> <p>&amp;nbsp;</p>