ମହାମାରୀ ବେଳେ ମହାଲୁଟ୍‌

ନୟାଗଡ଼(ଓଡ଼ିଶା ରିପାର୍ଟର) ମହାମାରୀ ବେଳେ ମହାଲୁଟ୍‌। ରାତି ଅଧରେ ପଂଚାୟତ ଗୋଦାମରୁ ପିଡ଼ିଏସ ଚୋରି l ନୟାଗଡ଼ ଜିଲ୍ଲା ରଣପୁର ବ୍ଲକ କେରେଣ୍ଡାଟାଙ୍ଗୀ ପଂଚାୟତରେ ଏଭଳି ପିଡ଼ିଏସ ସାମଗ୍ରୀ ଚୋରି ହେଉଥିବାର ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି l ତେବେ ଏହି ଭିଡିଓରେ ସ୍ଥାନୀୟ କେରେଣ୍ଡାଟାଙ୍ଗୀ ସରପଞ୍ଚଙ୍କ ଭାଇ ଓ ଅନ୍ୟ କିଛି ଲୋକ ବସ୍ତା ବସ୍ତା  ପିଡ଼ିଏସ ସାମଗ୍ରୀ ବାଇକ ଯୋଗେ ବୋହି ନେଉଥିବା ଦେଖିବାକୁ ମିଳୁଛି ।

ପଞ୍ଚାୟତର ଜଣେ କର୍ମଚାରୀ ମଧ୍ୟ ସେହି ସ୍ଥାନରେ ଉପସ୍ଥିତ ଥିବା ନଜର ଆସିଛି । ତେବେ ପଞ୍ଚାୟତର ଅନେକ ଗରିବ ହିତାଧିକାରୀ ପିଡ଼ିଏସ ସାମଗ୍ରୀ ପାଉନଥିବାବେଳେ ରାତି ଅଧିଆ ପିଡ଼ିଏସ ହରିଲୁଟ ହେବା ପଛରେ ପଞ୍ଚାୟତର ପିଓଙ୍କ ସମେତ ଯୋଗାଣ ବିଭାଗର ବହୁ ଉପରିସ୍ଥ ଅଧିକାରୀ ସାମିଲ ରହିଥିବା ଅଭିଯୋଗ ହୋଇଛି l

ଅନ୍ୟପଟେ ଏନେଇ ପଂଚାୟତବାସୀ ଲିଖିତ ଭାବେ ଜିଲ୍ଲାପାଳଙ୍କୁ ଅଭିଯୋଗ କରିବା ପରେ ଜିଲ୍ଲାପାଳ ଏହି ପିଡ଼ିଏସ ଚୋରି ଘଟଣାର ତଦନ୍ତ ନିର୍ଦେଶ ଦେଇଥିବା କହିଛନ୍ତି ଉପଜିଲ୍ଲାପାଳ ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।