ଭୁବନେଶ୍ୱର: ଭୂକମ୍ପ ବିଧ୍ୱସ୍ତ ନେପାଳରେ ସ୍ଥିତି ସାଂଘାତିକ। ଯୁଦ୍ଧକାଳୀନ ଭିତ୍ତିରେ ରିଲିଫ୍ ଓ ଉଦ୍ଧାର କାମ ଜାରି ରହିଥିଲେ ମଧ୍ୟ ଭୟାବହତା ଦୃଷ୍ଟିରୁ ଏହା ପର୍ଯ୍ୟାପ୍ତ ହେଉ ନାହିଁ। ସେହିପରି ଦୂରଦୂରାନ୍ତ ଅଞ୍ଚଳଗୁଡ଼ିକରେ ଉଦ୍ଧାରକାରୀ ଦଳ ଏବେବି ପହଞ୍ଚି ପାରି ନାହାନ୍ତି। ଅନ୍ୟପକ୍ଷରେ ବିଭିନ୍ନ ଦେଶରୁ ସହାୟତାର ସୁଅ ଅବ୍ୟାହତ ରହିଛି। ଭାରତୀୟ ସେନା ଓ ଏନଡିଆର୍ଏଫ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଛି। ଓଡ଼ିଶା ସରକାର ମଧ୍ୟ ନେପାଳ ପାଇଁ ସହାୟତାର ହାତ ବଢ଼ାଇଛନ୍ତି। ଓଡ଼ିଶା ସରକାରଙ୍କ ପକ୍ଷରୁ ଆଜି ନେପାଳ ପାଇଁ ୫ କୋଟି ଟଙ୍କାର ସହାୟତା ଘୋଷଣା କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଘୋଷଣା କରିଛନ୍ତି। ସେହିପରି ଉଦ୍ଧାର କାର୍ଯ୍ୟରେ ସହାୟତା କରିବା ଲାଗି ଓସଡମାର ୩ ଜଣ ବରିଷ୍ଠ ଅଧିକାରୀଙ୍କୁ ନେପାଳ ପଠାଯିବ ବୋଲି ନବୀନ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
