ଭୁବନେଶ୍ୱରରୁ ଜଣଙ୍କୁ ଉଠାଇ ନେଲା NIA

ଭୁବନେଶ୍ୱର(ଓଡ଼ିଶା ରିପୋର୍ଟର):  ନ୍ୟାସନାଲ ଇନ୍‌ଭେଷ୍ଟିଗେସନ ଏଜେନ୍ସି ଟିମ୍ (NIA) ଭୁବନେଶ୍ୱରରୁ ଜଣଙ୍କୁ ଉଠାଇ ନେଇଛି।  ଜଣକୁ ଉଠାଇ ନେଇ ଖଣ୍ଡଗିରି ଥାନାରେ ସକାଳ ୭ଟାରୁ ପଚରାଉଚରା କରୁଛି  NIA ଟିମ୍‌।

ଏ ସମ୍ପର୍କରେ ସୂଚନା ଦେଇ ପୁଲିସ୍‌  କମିଶନର ସୁଧାଂଶୁ ଷଡ଼ଙ୍ଗୀ କହିଛନ୍ତି,  NIA  ଜଣେ ଛାତ୍ରକୁ ପଚରାଉଚରା  କରୁଥିବା ବେଳେ ଏହି ତଦନ୍ତ ଆତଙ୍କବାଦ ସଂକ୍ରାନ୍ତରେ ନୁହେଁ । ଅପରପକ୍ଷେ ଉକ୍ତ ଛାତ୍ରଙ୍କୁ କୌଣସି ଅଜ୍ଞାତ ସ୍ଥାନରେ ନୁହେଁ, ଖଣ୍ଡଗିରି ଥାନାରେ ଜେରା କରାଯାଉଛି। ଅନାବଶ୍ୟକ ଭାବେ ଅଯଥା କଳ୍ପନାଜଳ୍ପନା ନ କରିବାକୁ କହିଲେ କମିଶନର ।

ଅପରପକ୍ଷେ ସଂପୃକ୍ତ ଛାତ୍ରଙ୍କୁ ଦୀର୍ଘ ୭ ଘଣ୍ଟା  ପଚରାଉଚରା କରିବା ପରେ NIA ଟିମ୍‌ ଖଣ୍ଡଗିରି ଥାନାରୁ ପଳାଇଥିବା ଜଣାଯାଇଛି।  କାହାକୁ ଗିରଫ କିମ୍ବା ଅଟକ ରଖାଯାଇ ନାହିଁ । ଉକ୍ତ ଛାତ୍ରର ନାଁ ପ୍ରକାଶ ନ କରିବାକୁ ଓ ଖଣ୍ଡଗିରି ଥାନା ଛାଡ଼ିବା ପାଇଁ ଗଣମାଧ୍ୟମକୁ ଅନୁରୋଧ କରାଯାଇଛି। ଏପରି ହେଲେ ଯାଇ ସଂପୃକ୍ତ ଛାତ୍ର ଘରକୁ ଫେରି ପାରିବ ବୋଲି ପୁଲିସ୍‌ ତରଫରୁ କୁହାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।