ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ବିଜେଡି ସରକାରର ଚତୁର୍ଥ ପାଳିକୁ ଗୁରୁବାର ପୂରିଛି ଏକ ବର୍ଷ। ଏହି ଅବସରରେ ଆଜି ସଚିବାଳୟ ଠାରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ମନ୍ତ୍ରିପରିଷଦର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ବର୍ଷକ ମଧ୍ୟରେ ସରକାରଙ୍କ ବିଭିନ୍ନ ସଫଳତା ଓ ବିଫଳତାର ସମୀକ୍ଷା ନେଇ ଏହି ବୈଠକ ଅନୁଷ୍ଠିତ ହୋଇଥିଲା। ବୈଠକ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଯେ ନିର୍ବାଚନୀ ଇସ୍ତାହାର ମୁତାବକ ତାଙ୍କ ସରକାର କାର୍ଯ୍ୟ କରି ଚାଲିଛନ୍ତି। ଏକ ପ୍ରଗତିଶୀଳ ଓ ସ୍ୱଚ୍ଛ ଶାସନ ଯୋଗାଇ ଦେବା ଦିଗରେ ବିଜେଡି ସରକାର କାର୍ଯ୍ୟ କରୁଛନ୍ତି। ତାଙ୍କ ସରକାର ସ୍ଲୋଗାନରେ ବିଶ୍ୱାସ କରେ ନାହିଁ, କେବଳ କାର୍ଯ୍ୟରେ ବିଶ୍ୱାସ କରେ ବୋଲି ନବୀନ କହିଥିଲେ।
ଆସନ୍ତା ଏକ ମାସ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ସମସ୍ତ ବିଭାଗର ଗତ ଏକ ବର୍ଷର କାର୍ଯ୍ୟଗୁଡ଼ିକର ସମୀକ୍ଷା କରିବେ। ସମସ୍ତ ବିଭାଗ ସେମାନଙ୍କ ବାର୍ଷିକ ରିପୋର୍ଟ ମୁଖ୍ୟମନ୍ତ୍ରୀଙ୍କ ପାଖରେ ଦାଖଲ କରିଛନ୍ତି। ଆସନ୍ତାକାଲି ଠାରୁ ସେ ଏହି ସମୀକ୍ଷା କାର୍ଯ୍ୟ ଆରମ୍ଭ କରିବେ। ଆଉ ଏହା ଆସନ୍ତା ଜୁନ୍ ୨୨ ତାରିଖ ପର୍ଯ୍ୟନ୍ତ ଚାଲିବ।
ଆଜି ବୈଠକରେ ମନ୍ତ୍ରିମଣ୍ଡଳର ସମସ୍ତ ମନ୍ତ୍ରୀ ଉପସ୍ଥିତ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
