ଭୁବନେଶ୍ୱର: ରାଷ୍ଟ୍ରୀୟ ବିଜ୍ଞାନ ଶିକ୍ଷା ଏବଂ ଅନୁସନ୍ଧାନ ସଂସ୍ଥାନ (ନାଇଜର)ରେ ଆଡ୍ମିଶନ ପାଇଁ ହୋଇଥିବା ଏଲିଜିବିଲିଟି ସ୍କ୍ରିନିଂ ଟେଷ୍ଟ ବା ନେଷ୍ଟ-୨୦୧୬ର ଫଳ ଆଜି ପ୍ରକାଶ ପାଇଛି। ଏହି ପରୀକ୍ଷାରେ ଆନ୍ଧ୍ରପ୍ରଦେଶର ସି.ରାହୁଲ ଦେଶରେ ଟପ୍ପର ହୋଇଥିବା ବେଳେ ଟପ୍-୨୦ରେ ସ୍ଥାନ ପାଇଛନ୍ତି ୨ ଜଣ ଓଡ଼ିଆ ଛାତ୍ର। ସେମାନେ ହେଲେ ଆଶୁତୋଷ ସାମଲ(୧୯ ରାଙ୍କ) ଓ ଅମର୍ତ୍ତ୍ୟ ପୃଷ୍ଟି(୨୦ ରାଙ୍କ)।
ଜୁଲାଇ ୧୨ରେ ପ୍ରଥମ ପର୍ଯ୍ୟାୟ କାଉନ୍ସେଲିଂ ହେବ। ଏଥିରେ ୯୦୦ଜଣ ଛାତ୍ରଛାତ୍ରୀ ଭାଗ ନେବେ।
ମେଗ୍ଦ ୨୮ ତାରିଖରେ ଭୁବନେଶ୍ୱର ନାଇଜରର ୧୩୦ଟି ସିଟ୍ ପାଇଁ ଗ୍ଧନେଷ୍ଟଗ୍ଦ ଅନୁଷ୍ଠିତ ହୋଇଥିଲା ବେଳେ ସାରା ଦେଶରେ ୫୪ ସହରର ୧୦୨ଟି ପରୀକ୍ଷା କେନ୍ଦ୍ରରେ ଏହି ପରୀକ୍ଷା ହୋଇଥିଲା। ଓଡ଼ିଶାର ଭୁବନେଶ୍ୱର ସମେତ ୮ଟି ସହରରେ ୧୪ଟି ପରୀକ୍ଷା କେନ୍ଦ୍ର କରାଯାଇଥିଲା।
ନାଇଜରର ୪ଟି ବିଭାଗରେ ୫ ବର୍ଷିଆ ଇଣ୍ଟିଗ୍ରେଟେଡ ଏମ୍ଏସ୍ସି ପାଠ୍ୟକ୍ରମ ପାଇଁ ଛାତ୍ରଛାତ୍ରୀମାନେ ଏହି ନେଷ୍ଟ ପରୀକ୍ଷା ଦେଇଥିଲେ।
ଏଥିପାଇଁ ସାରା ଦେଶରୁ ୫୪,୫୦୦ ଛାତ୍ରଛାତ୍ରୀ ଆବେଦନ କରିଥିଲେ। ସକାଳ ୧୦ଟାରେ ପରୀକ୍ଷା ଆରମ୍ଭ ହୋଇଥିଲା। ତେବେ ଏହାର ଘଣ୍ଟାଏ ପୂର୍ବରୁ ଛାତ୍ରଛାତ୍ରୀମାନେ ପରୀକ୍ଷା କେନ୍ଦ୍ର ମଧ୍ୟକୁ ପ୍ରବେଶ କରିଥିଲେ। ପରୀକ୍ଷାର ସୁପରିଚାଳନା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ପରୀକ୍ଷା କେନ୍ଦ୍ର ମଧ୍ୟକୁ ପେନ୍ ଓ ପେନସିଲ ବ୍ୟତୀତ ଅନ୍ୟ କୌଣସି ସାମଗ୍ରୀ ନେବାକୁ ବାରଣ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
