କାଳବୈଶାଖୀ ତାଣ୍ଡବ: ଭାଙ୍ଗିଲା ଗଛ, ଦୋହଲିଲା ବିଦ୍ୟୁତ୍‌ ଖୁଣ୍ଟ

ନୟାଗଡ଼(ଆର୍ତ୍ତତ୍ରାଣ ପ୍ରଧାନ): ସାରା ରାଜ୍ୟରେ ଗ୍ରୀଷ୍ମ ପ୍ରଭାବ ଜାରି ରହିଛି। ଗତକାଲି ୮ଟି ସ୍ଥାନରେ ତାପମାତ୍ରା  ୪୦ ଡିଗ୍ରୀ ଉପରେ  ରହିଥିଲା। ହେଲେ ଗତକାଲି ଅପରାହ୍ଣରେ ନୟାଗଡ଼ ଜିଲ୍ଲା ରଣପୁର ବ୍ଲକ ସମେତ ଇଟାମାଟି ଓ ବିଜିପୁରରେ କାଳ ବୈଶାଖୀର ତାଣ୍ଡବ ଦେଖିବାକୁ ମିଳିଥିଲା। ଏହି  ସବୁ  ଅଞ୍ଚଳରେ କୁଆ ପଥର ମାଡ଼ ସହ ପ୍ରବଳ ବର୍ଷା ଓ  ବଜ୍ରପାତ ହୋଇଥିଲା। ପବନରେ ଅନେକ ଗଛ ଭାଙ୍ଗି ଯାଇଥିବା ବେଳେ ବିଦ୍ୟୁତ୍‌ ପୋଲ ଦୋହଲି ଯାଇଛି।