ନୂଆପଡ଼ା(ମାୟାଧର ସରାଫ): ଖେଳ ହେଲା କାଳ। ଖେଳୁ ଖେଳୁ କୂଅରେ ଖସି ଚାଲିଗଲା ଜୀବନ। ନୂଆପଡା ଜିଲ୍ଲା ଖଡିଆଳ ଥାନା ମନ୍ରୀତରାଇ ଗାଁରେ ଏମିତି ଅଭାବନୀୟ ଘଟଣା ଘଟିଛି । କୂଅରେ ପଡି ଜଣେ ୪ ବର୍ଷର ଶିଶୁର ମୃତ୍ୟୁ ଘଟିଛି। ଖଡିଆଳ ଥାନା ମନ୍ରୀତରାଇ ଗାଁରେ ନିତଧର ମାଝୀ ଙ୍କ ୪ ବର୍ଶର ପୁଅକୁ ନିଜ ଆଈ ମାଙ୍କ ପାଖରେ ଛାଡି ସ୍ତ୍ରୀ ସହ କାମ ପାଇଁ ଦାଦନ ଖଟିବାକୁ ବାହାରକୁ ଯାଇଥିଲେ।
୪ ବର୍ଷର ଶିଶୁ ପରମେଶ୍ୱର ନିଜ ଆଈଙ୍କ ପାଖରେ ରହୁଥିଲେ । ସନ୍ଧ୍ୟାରେ ଖେଳୁ ଥିବା ବେଳେ କେତେ ବେଳେ ଘର ପାଖରା ଥିବା ଏକ କୂଅରେ ସେ ପଡି ଯାଇ ଥିଲେ । ଶିଶୁକୁ ଅନେକ ଖୋଜା ଖୋଜି ପରେ ବି ତାର ପତ୍ତା ମିଳି ନଥିଲା। ଗତ କାଲି ସନ୍ଧ୍ୟାରେ କୂଅରେ ଶିଶୁର ଶବ ଭାସୁ ଥିବା ଦେଖିବାକୁ ମିଳି ଥିଲା । ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
