ସୀତାଙ୍କ ଚରିତ୍ରକୁ ନେଇ ବିବାଦୀୟ କବିତା , ଅଶାନ୍ତ ଫେସ୍‌ବୁକ୍

ଭୁବନେଶ୍ୱର(ଓଡ଼ିଶା ରିପୋର୍ଟର): ରାମାୟଣର ସୀତାଙ୍କ ଚରିତ୍ରକୁ ନେଇ ସୋଶାଲ ମିଡିଆରେ ଝଡ଼। ସୀତାଙ୍କ ଚରିତ୍ରକୁ ଅଧାର କରି କେତେକ କବିତାକୁ ନେଇ ସୃଷ୍ଟି ହୋଇଛି ବିବାଦ। କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ରାଜେନ୍ଦ୍ର କିଶୋର ପଣ୍ଡା ତାଙ୍କ ଫେସ୍‌ବୁକ୍‌ରେ ଲେଖିଥିବା ଏକ କବିତା ଆପତ୍ତିଜନକ ବୋଲି ଅଭିଯୋଗ ଆଣି ତାଙ୍କ ନାମରେ ଥାନାରେ ମାମଲା ରୁଜୁ ହୋଇଛି। ଫେସ୍‌ବୁକ୍‌ରେ ପୋଷ୍ଟ ହୋଇଥିବା ‘ଅଶୋକ ବନରେ ତମେ ଇଚ୍ଛିପାର ରାବଣର ବଳାତ୍କାର…’ ପଙ୍‌କ୍ତିକୁ ନେଇ ଉଠିଛି ପ୍ରଶ୍ନ। ଏହି […]

Kabita-1

Kabita-1

Tapas Behera
  • Published: Tuesday, 05 May 2020
  • Updated: 06 May 2020, 03:27 PM IST

Sports

Latest News

ଭୁବନେଶ୍ୱର(ଓଡ଼ିଶା ରିପୋର୍ଟର): ରାମାୟଣର ସୀତାଙ୍କ ଚରିତ୍ରକୁ ନେଇ ସୋଶାଲ ମିଡିଆରେ ଝଡ଼। ସୀତାଙ୍କ ଚରିତ୍ରକୁ ଅଧାର କରି କେତେକ କବିତାକୁ ନେଇ ସୃଷ୍ଟି ହୋଇଛି ବିବାଦ। କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ରାଜେନ୍ଦ୍ର କିଶୋର ପଣ୍ଡା ତାଙ୍କ ଫେସ୍‌ବୁକ୍‌ରେ ଲେଖିଥିବା ଏକ କବିତା ଆପତ୍ତିଜନକ ବୋଲି ଅଭିଯୋଗ ଆଣି ତାଙ୍କ ନାମରେ ଥାନାରେ ମାମଲା ରୁଜୁ ହୋଇଛି। ଫେସ୍‌ବୁକ୍‌ରେ ପୋଷ୍ଟ ହୋଇଥିବା ‘ଅଶୋକ ବନରେ ତମେ ଇଚ୍ଛିପାର ରାବଣର ବଳାତ୍କାର…’ ପଙ୍‌କ୍ତିକୁ ନେଇ ଉଠିଛି ପ୍ରଶ୍ନ। ଏହି କବିତା ଭାଇରାଲ ହେବା ପରେ ମାତା ସୀତାଙ୍କ ପ୍ରତି ତାଚ୍ଛଲ୍ୟ କରାଯାଇଥିବା ଅଭିଯୋଗ ଆଣି ତାଙ୍କୁ କଟୁ ସମାଲୋଚଚନା କରାଯାଇଛି। ସୀତାଙ୍କ ପ୍ରତି ଅପମାନସୂଚକ ମନ୍ତବ୍ୟକୁ ନେଇ ସୃଷ୍ଟି ହୋଇଥିବା ବିତର୍କ ବିସ୍ପୋରକ ପରିସ୍ଥିତି ସୃଷ୍ଟି ହେବା ଏହି ପୋଷ୍ଟଟିକୁ ହଟାଇ ଦିଆଯାଇଛି। ହେଲେ ଫେସ୍‌ବୁକ୍‌ରେ ସେହି କବିତାର ଅଂଶ ସ୍କ୍ରିନ୍‌ସଟ୍‌ ଭାଇରାଲ ହେବାରେ ଲାଗିଛି। ତେବେ ଏ ବାବଦରେ ଶ୍ରୀ ପଣ୍ଡା ତାଙ୍କ ଫେସ୍‌ବୁକ୍‌ ଆକାଉଣ୍ଟରେ ସ୍ପଷ୍ଟୀକରଣ ମଧ୍ୟ ରଖିଛନ୍ତି। ସେ ଲେଖିଛନ୍ତି ଯେ, ମୋର କବିତା‘ତମେ କାହାର ନୁହଁ’ର ଏକ ଉଦ୍ଧୃତାଂଶଟିକୁ ନେଇ ମୋ ନାମରେ ମାମଲା ହୋଇଥିବା ଗଣମାଧ୍ୟମ ସୂତ୍ରରୁ ଖବର ପାଇଛି।

ଯାହା ୧୯୭୮ରେ ପ୍ରକାଶ ପାଇଥିଲା। କବିତାର ସାରାଂଶ ହେଉଛି ‘ନାରୀ ହେଉଛି ସର୍ବଶକ୍ତିମାନ। ନାରୀ କାହାର ଅନୁଗତ ନୁହଁନ୍ତି। ସେମାନେ ସ୍ୱୟଂସିଦ୍ଧା। ସେ ହିଁ ସୃଷ୍ଟିକାରୀ ଏବଂ ସେ ହିଁ ବିନାଶକାରୀ ସେ କାହାରି ଅଧୀନ ନୁହେଁ।  ସେ ସାର୍ବଭୌମା।’

https://www.facebook.com/rajendrakishore.panda/posts/2965079506918236
ତେବେ ଏହି କବିତାଟି କୌଣସି ନିର୍ଦ୍ଦିଷ୍ଟ ଦେବୀ , ମହିଳା କିମ୍ବା ଧର୍ମ ପ୍ରତି ପ୍ରତି ଆକ୍ଷେପ କରି ଲେଖାଯାଇ ନାହିଁ। ଏଥିରେ ଥିବା ସନ୍ଦେଶ ସାଙ୍କେତିକ ଓ ମେଟାଫର ବୋଲି ସେ ଉଲ୍ଲେଖ କରିଛନ୍ତି।  ତେବେ କିଛି ଲୋକ କବିତାର ପ୍ରକୃତ ମର୍ମକୁ ବୁଝି ନପାରୁଥିବାରୁ ମୁଁ ସେମାନଙ୍କ ପାଇଁ ଦୁଃଖିତ ବୋଲି ସେ ଲେଖିଛନ୍ତି।

https://twitter.com/SaswatPanigrahi/status/1257125456882683905?s=20

ସେହିପରି ଅନ୍ୟ ଜଣେ କବୟିତ୍ରୀ ଶୁଭଶ୍ରୀ ଶୁଭସ୍ମିତା ମିଶ୍ରଙ୍କ ଲିଖିତ କବିତା ‘ ସେ ଗୋଟେ ଦେହଜୀବିର ଜୀବନ ହିଁ ତ ବଞ୍ଚେ’ ମଧ୍ୟ ବିବାଦଘେରକୁ ଆସିଛି। ତାଙ୍କର ଏହି କବିତା ଧାର୍ମିକ ଭାବନାକୁ ଆଘାତ କରୁଥିବା ଅଭିଯୋଗ ଆଣି ସହରାଞ୍ଚଳ ପୁଲିସ ଜିଲ୍ଲା (ଭୁବନେଶ୍ୱର)ରେ ମାମଲା ରୁଜୁ ହୋଇଥିବା କୁହାଯାଉଛି। ହେଲେ ସେ ଏ ବିଷୟରେ କୌଣସି ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି।

https://twitter.com/SaswatPanigrahi/status/1257103762025406464?s=20

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos