ସୋର (ଶଶିକାନ୍ତ ବେହେରା): ବାଲେଶ୍ୱର ଜିଲ୍ଲା ଖନ୍ତାପଡ଼ା ନିକଟରେ ୧୬ ନଂ ଜାତୀୟ ରାଜପଥରେ ଏକ ବାଇକ୍କୁ କାର୍ଟିଏ ଧକ୍କା ଦେବା ଫଳରେ ଜଣଙ୍କର ମୃତ୍ୟୁ ଘଟିଛି ଓ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।
ମୃତ ବ୍ୟକ୍ତିଙ୍କ ନାଁ ଭୋଳାନାଥ ବାଗ। ସେହିପରି ଆହତ ମହିଳାଙ୍କ ନାଁ ନିରୁପମା ମିଶ୍ର।
ସୂଚନା ଅନୁଯାୟୀ, ନୀଳଗିରିର ବାଉଁଶବଣିଆ ଅଞ୍ଚଳର ଭୋଳାନାଥ ବାଗ ଓ ନିରୁପମା ମିଶ୍ର ଫାଲ୍କନ୍ ଚିଙ୍ଗୁଡି କଂପାନୀରୁ କାମ ସାରି ବାଇକ୍ ଯୋଗେ ଫେରୁଥିବାବେଳେ ଦୁର୍ଘଟଣାର ଶିକାର ହୋଇଥିଲେ।
ଭୋଳାନାଥଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା। ନିରୁପମା ଗୁରୁତର ଆହତ ହୋଇଥିବାବେଳେ ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।